Шайҳонтоҳур туманида муаммолар ўрганилмоқда

Ўзбекистон Республикаси Савдо-саноат палатаси тўғрисидаги Ўзбекистон республикаси қонунининг 5-моддасида “Савдо-саноат палатаси ходимларига юклатилган вазифалар кўрсатилган бўлиб,  унга кўра: тадбиркорлик субъектларига бизнесни ташкил этиш, юритиш ҳамда ривожлантиришда ёрдам кўрсатиш, давлат органлари ва бошқа органларнинг, шунингдек бозор инфратузилмаси субъектларининг барча турдаги хизматларидан фойдаланиш учун шарт-шароитлар яратиш ва имконият бериш, маслаҳат ёрдами кўрсатиш ҳамда ахборот билан таъминлаш асосий вазифалари”миздан бири этиб белгиланган.

Юклатилган вазифаларни бажариш мақсадида ЎзР Савдо-саноат палатаси Шайҳонтоҳур туман бўлими бошлиғи ва ходимлари жойларга чиқган ҳолда тадбиркорлар билан мунтазам равишда учрашувлар ташкил қилмоқдалар.

Учрашувларнинг бирида, ўзларига тегишли бўлган ишлаб чиқариш ҳудудида “OSIYO BETON BONUS SERVIS” МЧЖ Раҳбарияти билан уларнинг муаммолари ўрганилди, уларни палатага аъзоликка таклиф қилинди ва шу ернинг ўзида икки томонлама шартнома имзоланди.

Шайхонтоҳур туманида рўйхатда турувчи, аммо банк ҳисоб рақами Тошкент шаҳар Миробод туманидаги “Халқ банки”да бўлган яна бир тадбиркорнинг муаммоси ўрганиб чиқилди ва ҳал қилинди.

Банк ходимлари ва тадбиркор бўлган аёл ўрталаридаги юзага келган тушунмовчиликлар, ЎзР Савдо-саноат палатаси Шайҳонтоҳур туман бўлими бошлиғи ва ходимлари ёрдамида барҳам топди.

ССП Ахборот-хизмати