Доривор ва хушбўй ўсимликлар ва улардан фойдаланиш соҳалари" мавзусида семинар

Республикада сўнгги йилларда доривор ўсимликларни муҳофаза қилиш, табиий ресурслардан оқилона фойдаланиш, доривор ва зиравор ўсимликлар етиштириладиган плантациялар ташкил этиш ва уларни қайта ишлаш борасида изчил ислоҳотлар амалга оширилмоқда.

Жорий йилнинг 8 октябрь куни Ўзбекистон Савдо-саноат палатаси “Доривор ва зиравор ўсимлик етиштирувчиларни қўллаб-қувватлаш” бўлими “Берекет агро кимё” Ўзбекистон-Туркия қўшма корхонаси билан ҳамкорликда “Ёшлар: 1+1” дастури доирасида уюшмаган ва ишсиз ёшлар, “Темир дафтар”, “Аёллар дафтари” ва “Ёшлар дафтари”га киритилган фуқаролар ва ушбу соҳага қизиққан, ўз билим ва кўникмаларини ошириш истагида бўлган ташаббускорлар учун "Доривор ва хушбўй ўсимликлар ва улардан фойдаланиш соҳалари" мавзусида семинар ташкил этилди.

Семинарда доривор ва зираворлар ўсимликларнинг етиштирилиши ва уларнинг аҳамияти, Ўзбекистонда ва Туркияда доривор ўсимликлар ва улар асосида тайёрланган маҳсулотлар савдоси жаҳон бозорида ушбу махсулотларга бўлган талаб бўйича маълумотлар бериб ўтилди

ССП Ахборот-хизмати