Dorivor va xushboʼy oʼsimliklar va ulardan foydalanish sohalari" mavzusida seminar

Respublikada soʼnggi yillarda dorivor oʼsimliklarni muhofaza qilish, tabiiy resurslardan oqilona foydalanish, dorivor va ziravor oʼsimliklar yetishtiriladigan plantatsiyalar tashkil etish va ularni qayta ishlash borasida izchil islohotlar amalga oshirilmoqda.

Joriy yilning 8 oktyabr kuni Oʼzbekiston Savdo-sanoat palatasi “Dorivor va ziravor oʼsimlik yetishtiruvchilarni qoʼllab-quvvatlash” boʼlimi “Bereket agro kimyo” Oʼzbekiston-Turkiya qoʼshma korxonasi bilan hamkorlikda “Yoshlar: 1+1” dasturi doirasida uyushmagan va ishsiz yoshlar, “Temir daftar”, “Аyollar daftari” va “Yoshlar daftari”ga kiritilgan fuqarolar va ushbu sohaga qiziqqan, oʼz bilim va koʼnikmalarini oshirish istagida boʼlgan tashabbuskorlar uchun "Dorivor va xushboʼy oʼsimliklar va ulardan foydalanish sohalari" mavzusida seminar tashkil etildi.

Seminarda dorivor va ziravorlar oʼsimliklarning yetishtirilishi va ularning ahamiyati, Oʼzbekistonda va Turkiyada dorivor oʼsimliklar va ular asosida tayyorlangan mahsulotlar savdosi jahon bozorida ushbu maxsulotlarga boʼlgan talab boʼyicha maʼlumotlar berib oʼtildi.

SSP Axborot-xizmati