Ўзбекистон Савдо-саноат палатаси томонидан хорижда савдо уйларини ташкил этиш масалалари бўйича онлайн мулоқот ташкил этилди

2021 йил 12 октябрь куни Ўзбекистон Савдо-саноат палатаси ва унинг ҳудудий бошқармалари масъул ходимлари учун  “Ўзтрейд” АЖ билан ҳамкорликда чет элда миллий савдо уйларини ташкил этиш бўйича онлайн мулоқот онлайн мулоқот бўлиб ўтди.

Учрашувда янги экспорт бозорларига чиқиш, ресупбликамиздан хорижий давлатларга миллий маҳсулотлар экспортини янада ошириш, миллий брендларни ушбу бозорларда кенг тарғиб қилиш мақсадида чет элда савдо уйларини ташкил этиш ва амалга оширишнинг ҳуқуқий масалалари муҳокама этилди.

Ҳозирда “Узтрейд” АЖ хорижий давлатларда савдо уйларини муваффақиятли ташкил этиб келмоқда ва бугунги кунда Осиё, АҚШ, Европа давлатларида ўз савдо уйларига эга.

Мулоқот давомида “Узтрейд” АЖ масъул вакиллари савдо уйи очиш тартиби, ҳуқуқий асослари, имтиёзлар ва имкониятлари томонидан батафсил тўхталиб ўтдилар.

Тадбир давомида Палатанинг ҳудудий Экспорт шўъба мудирлари хорижда савдо уйлари очиш бўйича ўзларини қизиқтирган саволларга жавоб олдилар.

Шунингдек, тадбир якунида Ўзбекистон Савдо-саноат палатаси ва “Узтрейд” АЖ ҳамкорликда чет элда савдо уйлари очиш бўйича  маҳаллий тадбиркорлик субъектлари иштирокида ҳам онлайн учрашув ўтказишга келишиб олинди.

ССП Ахборот-хизмати