Ўзбекистон Савдо-саноат палатаси томонидан яна бир тадбиркорнинг ҳуқуқ ва қонуний манфаатлари ҳимоя қилинди

Ўзбекистон Савдо-саноат палатасига унинг аъзоси “Maxsuselektrtarmoqqurilish” АЖ мурожаат қилиб, ҳуқуқ ва қонуний манфаатларини ҳимоя қилишда амалий ёрдам сўраган.

Палата аъзосининг мурожжати ўрганиб чиқилганда, “Maxsuselektrtarmoqqurilish” АЖ ва бошқа бир АЖ ўртасида махсулот етказиб бериш шартномаси тузилган бўлиб, унга кўра “Maxsuselektrtarmoqqurilish” АЖ томонидан махсулот етказиб берилганлиги, бироқ, жавобгар акциядорлик жамияти томонидан шартнома шартлари лозим даражада бажарилмасдан, яъни етказиб берилган махсулот ишлар учун тўлов ўз вақтида амалга оширилмаганлиги натижасида Палата аъзосига моддий зарар етказилганлиги аниқланди. 

Тарафалар ўртасида вужудга келган низони судгача ўзаро келишиш йўли билан ҳал этиш мақсадида Палата томонидан ўтказилган учрашувлар натижа бермагач, қарздорликни ундириш мақсадида Савдо-саноат палатаси ўз аъзоси манфаатида судга даъво аризаси билан мурожаат қилган.

Тошкент туманлараро иқтисодий суди томонидан Палатанинг даъво аризаси кўриб чиқилиб, жавобгар ҳисобдан “Maxsuselektrtarmoqqurilish” АЖ фойдасига шартнома бўйича вужудга келган қарздорликни ундириш тўғрисида ҳал қилув қарори қабул қилинган ва, шу тариқа, Палата аъзосининг ҳуқуқ ва қонуний манфаатлари ҳимоя қилинган.

ССП Ахборт-хизмати