Oʼzbekiston Savdo-sanoat palatasi tomonidan yana bir tadbirkorning huquq va qonuniy manfaatlari himoya qilindi

Oʼzbekiston Savdo-sanoat palatasiga uning aʼzosi “Maxsuselektrtarmoqqurilish” АJ murojaat qilib, huquq va qonuniy manfaatlarini himoya qilishda amaliy yordam soʼragan.

Palata aʼzosining murojjati oʼrganib chiqilganda, “Maxsuselektrtarmoqqurilish” АJ va boshqa bir АJ oʼrtasida maxsulot yetkazib berish shartnomasi tuzilgan boʼlib, unga koʼra “Maxsuselektrtarmoqqurilish” АJ tomonidan maxsulot yetkazib berilganligi, biroq, javobgar aktsiyadorlik jamiyati tomonidan shartnoma shartlari lozim darajada bajarilmasdan, yaʼni yetkazib berilgan maxsulot ishlar uchun toʼlov oʼz vaqtida amalga oshirilmaganligi natijasida Palata aʼzosiga moddiy zarar yetkazilganligi aniqlandi. 

Tarafalar oʼrtasida vujudga kelgan nizoni sudgacha oʼzaro kelishish yoʼli bilan hal etish maqsadida Palata tomonidan oʼtkazilgan uchrashuvlar natija bermagach, qarzdorlikni undirish maqsadida Savdo-sanoat palatasi oʼz aʼzosi manfaatida sudga daʼvo arizasi bilan murojaat qilgan.

Toshkent tumanlararo iqtisodiy sudi tomonidan Palataning daʼvo arizasi koʼrib chiqilib, javobgar hisobdan “Maxsuselektrtarmoqqurilish” АJ foydasiga shartnoma boʼyicha vujudga kelgan qarzdorlikni undirish toʼgʼrisida hal qiluv qarori qabul qilingan va, shu tariqa, Palata aʼzosining huquq va qonuniy manfaatlari himoya qilingan.

SSP Axborot-xizmati