“Сирли мижоз” тадбирлари тадбиркорлар хизматида!!!

Ўзбекистон Республикаси Президентининг 2019 йил 20 ноябрдаги “Мамлакатда бизнес муҳитини янада яхшилаш ва тадбиркорликни қўллаб-қувватлаш тизимини такомиллаштириш чора-тадбирлари тўғрисида”ги ПҚ-4525-сонли Қарорлари ижросини таъминлаш мақсадида, тадбиркорлик субъектларига кзрсатилаётган давлат хизматларини шаффофлиги, сифати ва тезкорлиги устидан жамоатчилик назоратини олиб бориш мақсадида Савдо-саноат Палатаси Адлия вазирлиги билан ҳамкорликда ҳар чоракда “Сирли мижоз” тадбирлари ўтказиб келмоқда.

Жорий йилнинг IV-чорагида газ тармоқларига уланишда тадбиркорларга кўрсатилаётган давлат хизматлари жараёни юзасидан 101 та туман (шахар)ларда  “Сирли мижоз” тадбирлари ўтказилди. Мазкур тадбирларда ҳодимларнинг соҳа бўйича билим даражаси ва  коррупцион ҳолатларга муносабати ҳамда ходим томонидан ҳизмат кўрсатиш жараёнида тегишли норматив-ҳуқуқий ҳужжатларга тўлиқ риоя этилаётганлик ҳолатлари  ўрганилди.

Қашқадарё ва Хоразм вилоятиларининг туман (шаҳар) ҳудудий газ таъминоти идораларида  ўрганишлар олиб борилганида,  давлат хизматларини кўрсатиш сифати ва тезкорлиги бўйича камчиликлар аниқланди.

Хусусан, Хоразм вилояти, Урганч туман ҳудудий газ таъминоти корхонасида ўтказилган “сирли мижоз” тадбирлари жараёнида бўлимдаги компьютерлар VPN ҳамда юқори тезликдаги интернет тармоғига уланмаганлиги аниқланган. Бу эса, ўз навбатида ходимларнинг мижозларга хизмат кўрсатиш жараёнида ўз шахсий телефонлари орқали интернет тармоғига уланаётганлиги кузатилган.

Қашқараё вилояти Миришкор, Чироқчи, Қамаши, Яккабоғ, Қарши, Ғузор газ таъминоти бўлимларида давлат хизматларини кўрсатиш учун шарт шароитлар етарли даражада эмас. Хусусан, Чироқчи газ таъминоти бўлимида давлат хизматлари билан ишлаш учун оптик толали интернет тармоғига уланмаганлиги, замонавий оргтехника воситаларига эга эмаслиги ҳамда давлат хизматини кўрсатиш учун масъул ходимга алоҳида хона ажратилмаганлиги маълум бўлди.

Андижон, Бухоро,  Навоий,  Наманган ва Тошкент вилоятлари Газ тақсимлаш филиаллари, туман (шаҳар) бўлимлари масъул ходимлари томонидан хизмат кўрсатиш жараёнида тегишли норматив-хуқуқий хужжатларга тўлиқ риоя этилмаётганлиги ҳолатлари қайд этилди.

Андижон туманида ўтказилган “сирли мижоз” тадбирлари жараёнида “Ҳудудгаз Андижон” ГТФ Андижон туман филиали томонидан  2021 йил  19 октябрь кунидан   2021 йил  27  ноябрь кунига қадар филиалга келиб тушган табиий газни ҳисобга олиш ускунасини (ҳисоблагичини) ечиш ва ўрнатиш юзасидан жами 231 та мурожаатлар Вазирлар Маҳкамасининг 2019 йил 20 августдаги 698-сон Қарорига зид равишда электрон тизимдан қабул қилинмасдан ўз ҳолига ташлаб қўйилганлиги аниқланган.

Ўтказилган тадбир натижалари юзасидан тегишли ваколатли вазирлик ҳамда идораларга  маълумотлар тақдим этилди.

Тақдимот билан бу ерда танишинг.

ССП Матбуот хизмати