Республикамиз ҳудудларида маҳаллий тадбиркорлар учун “Бренд яратишнинг ҳуқуқий аспектлари” бўйича маҳорат дарслари бўлиб ўтмоқда.

Ўзбекистон Республикаси Президентининг 2021-йил 28-январдаги ПҚ-4965-сонли қарорига мувофиқ, “Контрафактсиз ой” ойлиги доирасида жорий йилнинг 14-15 март кунлари республикамиз ҳудудларида Ўзбекистон Республикаси Адлия вазирлиги ҳузуридаги Интеллектуал мулк агентлиги, Ўзбекистон Савдо - саноат палатаси  ва бошқа тегишли идора вакиллари билан биргаликда маҳаллий тадбиркорлик субьектлари иштирокида “Бренд яратишнинг ҳуқуқий аспектлари” мавзусида маҳорат дарслари ташкил этилди.

Бўлиб ўтган тадбирларда ҳудудлардан 100 нафарга яқин маҳаллий тадбиркорлик субъектлари иштирок этдилар.

Тадбирларда тадбиркорлик фаолиятини ташкил этаётганлар учун ўз брендига (товар белгисига) эга бўлишнинг афзаллиги, Ўзбекистон ва халқаро миқёсда тан олинган миллий брендлар эгаларининг бу борадаги тажрибаси, ютуқлари, шунингдек, ўз брендини ташкил этиш билан маҳаллий ва ташқи бозорларга кириб бориш ва рақобатбардош маҳсулотларни ушбу бозорларни эгалллаш истиқболлари муҳокама этилди.

Шунингдек,  бўлиб ўтган тадбирларда ҳар бир ҳудуддан муваффақиятли фаолият юритаётган ва ўз брендига эга маҳаллий тадбиркорлик субъектлари ҳам жалб этилиб, тадбир иштирочкилари билан фикр алмашдилар.