Янгийўл шаҳрида тадбиркорлар учун саййёр қабул ташкил этилди.

Жорий йилнинг 27 апрель санасида, Тошкент вилояти Янгийўл шаҳрида Савдо-саноат палатаси ҳамда Янгийўл шаҳар ҳокимлиги томонидан тадбиркорлар учун саййёр қабул ташкил этилди.

Ўтказилган сайёр учрашувда 87 нафар маҳаллий тадбиркорлик субъектлари иштирок этиб, 62 нафари мурожаат қилишди. Уларнинг муаммолари атрофлича кўриб чиқилди ва тааллуқлилиги бўйича мутассаддилар томонидан ўрганилди.

Тадбиркорлар ўз фаолияти давомида дуч келган туман, вилоят ва республика миқёсидаги муаммоларни бартараф этиш юзасидан таклиф ва мулоҳазалар билдирилди.

Тадбирда тадбиркорлик субъектлари томонидан асосан имтиёзли кредит, ер майдонлари ажратилиши, субсидия масалалари, инвестор топиш, патент олиш, форс мажор ҳолати, дебитор қарздорликларни ундириш масалалари юзасидан қилинган мурожаатларнинг  30 таси (48 %и) жойида ҳал этилди, қолган 32 та мурожаатларни хал этиш юзасидан 1 кун муддат ичида чора-тадбирлар режасини ишлаб чиқилиб, тегишлилиги бўйича вазирлик ва идораларга йўналтиришга келишилди.

Шунингдек, мутассадди ташкилотлар билан биргаликда ишбилармонлик муҳитини яхшилаш бўйича маҳаллий маҳсулот ишлаб чиқарувчилар ва экспортчилар кесимида тизимли равишда чора-тадбирларни амалга ошириш, уларни қўллаб-қувватлаш масалалари муҳокама қилинди.

Ўзбекистон Республикаси Президентининг 2022 йил 8 апрелдаги ПФ-101-сонли Фармони мазмун-моҳиятидан келиб чиқиб, белгиланган талаблар ва имтиёзлар тўғрисида маълумотлар берилди.

Келгусида тадбиркорлик субъектлари муаммо ва таклифларни мунтазам ўрганиш мақсадида Янгийўл шаҳар ҳокимининг Иқтисодиётни ривожлантириш ва камбағалликни қисқартириш масалалари бўйича ўринбосари (А.Исанбаев) ҳамда Янгийўл шаҳар Тадбиркорликка кўмаклашиш маркази (С.Жумаев) билан биргаликда ҳар ҳафтанинг чоршанба куни Янгийўл шаҳар марказида жойлашган сайлгоҳда шаҳарда фаолият олиб бораётган тадбиркорлик субъектлари билан учрашув ташкил этишга келишиб олинди.