Қишлоқ хўжалигини ривожлантириш йўналишида тадбиркор аёллар ролини ошириш масалалари

Жорий йилнинг 5 май куни видеоконференцалоқа шаклида Савдо-саноат палатасининг Бизнес компетенцияларни ошириш, ёшлар стартап лойиҳаларига кўмаклашиш ва бизнес-инкубаторлар фаолиятини мувофиқлаштириш бошқармаси вакиллари Хитой Халқ Республикасининг Синьцзян компанияси билан мулоқот ўтказди.

Ушбу учрашувда икки мамлакатнинг ишбилармон вакиллари ўртасида ҳамкорлик алоқаларини ўрнатиш мақсадида электрон коммерция ва бошқа йўналишларда онлайн семинарларни ташкил этиш масалалари муҳокама этилди.

Бундан ташқари ШҲТ давлатларининг муассаларидаги ходимлар учун қишлоқ хўжалигини ривожлантириш йўналишида тадбиркор аёллар ролини ошириш бўйича семинар ташкил этиш масалалари кўриб чиқилди.