“Инвестицион фаолиятда коррупция ҳолатларининг олдини олиш ва унга қарши курашиш” мавзусидаги биринчи минтақавий семинар ўз ишини бошлади.

Бугун, 2022 йил 18 май куни Самарқанд шаҳрида Ўзбекистон Республикаси  коррупцияга қарши курашиш агентлиги, Бош Прокуратура ва БМТнинг Гиёҳвандлик воситалари ва жиноятчилик бўйича бошқармасининг Марказий Осиё бўйича ваколатхонаси ҳамкорлигида “Инвестицион фаолиятда коррупция ҳолатларининг олдини олиш ва унга қарши курашиш” мавзусидаги биринчи минтақавий семинар ўз ишини бошлади.

Мазкур тадбир “Ипак йўли Иқтисодий Камари бўйлаб жойлашган давлатларда БМТнинг Коррупцияга қарши конвенциясини амалга оширилишини қўллаб-қувватлаш орқали барқарор ривожланишга кўмаклашиш” лойиҳаси доирасида  ташкил этилмоқда.

Семинарда Ўзбекистон Республикаси Савдо-саноат палатасининг Суд, ҳуқуқни муҳофаза қилувчи ва назорат қилувчи органлар билан ҳамкорлик қилиш бошқармаси бошлиғи Б.Ибадуллаев ва бош юрисконсульт К.Абдирахимов ҳам иштирок этишмоқда.

Семинар жараёнлари ҳақида расмий саҳифаларимиз орқали маълумот бериб борилади.