Экспортни қўллаб-қувватлаш ва мувофиқлаштириш бўйича семинар ташкил этилди.

2022 йил 18 май куни Ўзбекистон Республикаси Инвестициялар ва ташқи савдо вазирлиги, Ўзбекистон Савдо-саноат палатаси ҳамда АҚШ Халқаро Тараққиёт Aгентлиги (USAID) билан ҳамкорликда “Экспортни қўллаб-қувватлаш ва мувофиқлаштириш” мавзусида семинар ташкил этилди.

Ушбу семинарда республикамиз ҳудудларидан видеомулоқот орқали ҳамда ташриф буюрган ҳолда 150 дан ортиқ маҳаллий тадбиркорлик субъектлари, шунингдек аёл тадбиркорлар ҳам иштирок этдилар.

Тадбирда экспорт фаолиятини йўлга қўйиш, экспорт фаолиятини кенгайтириш мақсадидаги корхоналарни қўллаб-қувватлаш ва бу борада давлат томонидан тақдим этилаётган имтиёз ва преференциялар, шунингдек уларга  маҳаллий таъминотчилар орқали сертификатлаштириш, маркетинг, қадоқлаш, бренд бўйича техник кўмак бериш каби масалалар муҳокама этилди.

Ушбу семинар давомида маҳаллий тадбиркорлик субъектларининг саволларига мутахассислар томонидан батафсил жавоблар берилди.