Eksportni qo‘llab-quvvatlash va muvofiqlashtirish bo‘yicha seminar tashkil etildi.

2022-yil 18-may kuni O‘zbekiston Respublikasi Investisiyalar va tashqi savdo vazirligi, O‘zbekiston Savdo-sanoat palatasi hamda AQSh Xalqaro Taraqqiyot Agentligi (USAID) bilan hamkorlikda “Eksportni qo‘llab-quvvatlash va muvofiqlashtirish” mavzusida seminar tashkil etildi.
Ushbu seminarda respublikamiz hududlaridan videomuloqot orqali hamda tashrif buyurgan holda 150 dan ortiq mahalliy tadbirkorlik sub'ektlari, shuningdek ayol tadbirkorlar ham ishtirok etdilar.

Tadbirda eksport faoliyatini yo‘lga qo‘yish, eksport faoliyatini kengaytirish maqsadidagi korxonalarni qo‘llab-quvvatlash va bu borada davlat tomonidan taqdim etilayotgan imtiyoz va preferensiyalar, shuningdek ularga  mahalliy ta'minotchilar orqali sertifikatlashtirish, marketing, qadoqlash, brend bo‘yicha texnik ko‘mak berish kabi masalalar muhokama etildi.
Ushbu seminar davomida mahalliy tadbirkorlik sub'ektlarining savollariga mutaxassislar tomonidan batafsil javoblar berildi.