Хоразм вилояти Ҳакамлик суди фаолияти тўғрисида

2022 йил 20 май куни Хоразм вилоят суди судъялари билан Ҳакамлик судьялари ҳамда Ўзбекистон Савдо–саноат палатаси Хоразм вилоят ҳудудий бошқармаси раҳбарияти ва тадбиркорлик субектлари иштирокида йиғилиш бўлиб ўтди.

Йиғилишда Ўзбекистон Савдо–саноат палатаси Хоразм вилоят бошқармаси ҳузуридаги доимий фаолият кўрсатувчи Ҳакамлик суди томонидан тадбиркорлик субъектларида келиб чиққан низоларни қисқа муддатларда қонуний ва сифатли кўриб чиқилганлиги, тадбиркорлик субъектлари томонидан ваколатли судларга ҳакамлик судининг ҳал қилув қарорларини мажбурий ижро этиш учун ижро варақаларини Вилоят судидан олишда қонунчиликда белгиланган тартибда тарафларга тегишли тавсилар бериш таъкидлаб ўтилди.

Шунингдек, Ўзбекистон Савдо–саноат палатаси Хоразм вилоят бошқармаси билан палата ҳузуридаги Ҳакамлик суди ўртасида тадбиркорлик субъекларини ҳуқуқларини қонуний ҳимоя қилишда ўзаро ҳамкорлик йўлга қўйилганлиги ижобий ҳолат деб эътироф этилди. Келгусида Хоразм вилоятида тадбиркорлик субъекларини ҳуқуқларини қонуний ҳимоя қилишда Ваколатли судлари билан Ўзбекистон Савдо–саноат палатаси Хоразм вилоят бошқармаси ҳамда палата ҳузуридаги Ҳакамлик суди ўртасида ўзаро ҳамкорликни йўлга қўйилиши режалаштирилди.