Xorazm viloyati Hakamlik sudi faoliyati to‘g‘risida

2022-yil 20-may kuni Xorazm viloyat sudi sudyalari bilan Hakamlik sudyalari hamda O‘zbekiston Savdo–sanoat palatasi Xorazm viloyat hududiy boshqarmasi rahbariyati va tadbirkorlik subektlari ishtirokida yig‘ilish bo‘lib o‘tdi.    

Yig‘ilishda O‘zbekiston Savdo–sanoat palatasi Xorazm viloyat boshqarmasi huzuridagi doimiy faoliyat ko‘rsatuvchi Hakamlik sudi tomonidan tadbirkorlik sub'ektlarida kelib chiqqan nizolarni qisqa muddatlarda qonuniy va sifatli ko‘rib chiqilganligi, tadbirkorlik sub'ektlari tomonidan vakolatli sudlarga hakamlik sudining hal qiluv qarorlarini majburiy ijro etish uchun ijro varaqalarini Viloyat sudidan olishda qonunchilikda belgilangan tartibda taraflarga tegishli tavsilar berish ta'kidlab o‘tildi.

Shuningdek, O‘zbekiston Savdo–sanoat palatasi Xorazm viloyat boshqarmasi bilan palata huzuridagi Hakamlik sudi o‘rtasida tadbirkorlik sub'eklarini huquqlarini qonuniy himoya qilishda o‘zaro hamkorlik yo‘lga qo‘yilganligi ijobiy holat deb e'tirof etildi. Kelgusida Xorazm viloyatida tadbirkorlik sub'eklarini huquqlarini qonuniy himoya qilishda Vakolatli sudlari bilan O‘zbekiston Savdo–sanoat palatasi Xorazm viloyat boshqarmasi hamda palata huzuridagi Hakamlik sudi o‘rtasida o‘zaro hamkorlikni yo‘lga qo‘yilishi rejalashtirildi.