“Аёлларнинг савдодаги ўрни: Марказий Осиёда тўсиқлар, имкониятлар ва илғор тажрибалар” навбатдаги минтақавий хотин-қизлар саммити бўлиб ўтди

2022-йилнинг 21-сентабр куни Тошкент шаҳрида AҚШ Халқаро тараққиёт агентлиги (USAID) томонидан “Аёлларнинг савдодаги ўрни: Марказий Осиёда тўсиқлар, имкониятлар ва илғор тажрибалар” мавзусида навбатдаги минтақавий хотин-қизлар саммити бўлиб ўтди.

Саммитда Марказий Осиё давлатларидан тадбиркор аёллар ва менежерлар, жамоат арбоблари, ишбилармон аёллар уюшмалари, Ўзбекистон Савдо-саноат палатаси, давлат идоралари ва нодавлат нотижорат ташкилотлари вакиллари иштирок этдилар.

Саммит иштирокчилари минтақа мамлакатлари иқтисодиётининг барча тармоқларига, хусусан, савдо ва божхона бошқаруви соҳаларига гендер жиҳатларини интеграциялаш имкониятларини шунингдек, жаҳон савдосида электрон тижоратнинг роли, ривожланаётган мамлакатлардаги аёллар электрон тижоратни қай тарзда фойдаланиши мумкинлиги бўйича  муҳокама бўлиб ўтди.

Мазкур тадбирга Палата томонидан 30 дан ортиқ экспорт фаолиятини олиб бораётган тадбиркор аёллар жалб қилинди.

Шу билан бирга ушбу саммит давомида маҳаллий тадбиркорлик субъектларининг саволларига хорижий ва маҳаллий мутахассислар томонидан батафсил жавоблар берилди.