“Аyollarning savdodagi oʼrni: Markaziy Osiyoda toʼsiqlar, imkoniyatlar va ilgʼor tajribalar” navbatdagi mintaqaviy xotin-qizlar sammiti boʼlib oʼtdi

2022-yilning 21-sentabr kuni Toshkent shahrida AQSH Xalqaro taraqqiyot agentligi tomonidan “Ayollarning savdodagi o‘rni: Markaziy Osiyoda to‘siqlar, imkoniyatlar va ilg‘or tajribalar” mavzusida navbatdagi mintaqaviy xotin-qizlar sammiti bo‘lib o‘tdi.

Sammitda Markaziy Osiyo davlatlaridan tadbirkor ayollar va menejerlar, jamoat arboblari, ishbilarmon ayollar uyushmalari, O‘zbekiston Savdo-sanoat palatasi, davlat idoralari va nodavlat notijorat tashkilotlari vakillari ishtirok etdilar.

Sammit ishtirokchilari mintaqa mamlakatlari iqtisodiyotining barcha tarmoqlariga, xususan, savdo va bojxona boshqaruvi sohalariga gender jihatlarini integratsiyalash imkoniyatlarini shuningdek, jahon savdosida elektron tijoratning roli, rivojlanayotgan mamlakatlardagi ayollar elektron tijoratni qay tarzda foydalanishi mumkinligi bo‘yicha  muhokama bo‘lib o‘tdi.

Mazkur tadbirga Palata tomonidan 30 dan ortiq eksport faoliyatini olib borayotgan tadbirkor ayollar jalb qilindi.

Shu bilan birga ushbu sammit davomida mahalliy tadbirkorlik sub’ektlarining savollariga xorijiy va mahalliy mutaxassislar tomonidan batafsil javoblar berildi.