Туризм масалалари қўмитаси Экспертлар кенгашининг навбатдаги учрашуви

Жорий йилнинг 24 сентябр куни Туризм масалалари қўмитаси Экспертлар кенгашининг навбатдаги учрашуви бўлиб ўтди.

Учрашув Тошкент шаҳридаги "Hampton by Hilton" меҳмонхонасида ташкил этилиб, унда 15 дан ортиқ соҳанинг етук ва тажрибали тадбиркорлари иштирок этди.

Учрашув чоғида мамлакатимиз Президенти томонидан 19 сентябр куни ўтказилган видеоселектор йиғилишида кўтарилган масалалар ва уларнинг ечими борасида тадбиркорлар томонидан билдирилган таклифларнинг инобатга олиниши алоҳида эътироф этилди. 

Бундан ташқари, соҳада ўз ечимини кутаётган бир неча муаммоларнинг ечими буйича таклифлар ишлаб чиқилди. Хусусан, туризм соҳасидаги хизматларда ҚҚСнинг мавжудлиги ва унинг қайтарилиш занжирининг йўқлиги, туристик йиғимнинг қайта жорий этилиши, меҳмонхона хизматларини сертификатлаштириш тизимининг замонавий бизнес қоидаларига номутаносиблиги,  халқаро ва маҳаллий авиачипталар, темир йўл чипталарининг жуда қимматлиги, халқаро авиаташувлар соҳасида мутлақ монополиянинг мавжудлиги каби тизимли муаммолар соҳанинг барқарор ривожланиши учун асосий тўсиқлар сифатида тадбиркорлар томонидан эътироф этилди.

ССП матбуот хизмати