“Марказий Осиё – Корея Республикаси” Ишбилармонлар кенгашининг 3-йиғилиши бўлиб ўтди

Жорий йилнинг 26 октябрь куни Пусан ​​шаҳрида Марказий Осиёнинг барча мамлакатлари cавдо-саноат палаталари вакиллари иштирокида “Марказий Осиё – Корея Республикаси” Ишбилармонлар кенгашининг 3-йиғилиши бўлиб ўтди.

Тадбир “Марказий Осиё – Корея Республикаси” ҳамкорлик форумининг 15-йиғилиши доирасида ташкил этилди.

Учрашувда Корея Республикаси ва Марказий Осиё мамлакатлари ўртасидаги савдо-иқтисодий алоқаларни мустаҳкамлаш мақсадида, икки давлат ишбилармон доиралари учун қўшимча шарт-шароитлар яратиш истиқболлари ва имкониятлари муҳокама қилинди.

Шунингдек, Ишбилармонлар кенгаши фаолиятини, жумладан, рақамли технологияларни кенг қўллаш, Ўзбекистонда Ишбилармонлар кенгашининг ячейкасини (ССП қошидаги Бизнес-инкубатор негизида) очиш, ҳамкорликда тадбирлар (семинарлар, конференсиялар) ташкил этиш, шунингдек, ишбилармон доираларнинг Марказий Осиёда ва Корея Республикасида ўтказиладиган кўргазмаларга ташрифини ташкил этиш масалалари кўриб чиқилди.

ССП матбуот хизмати