Польшалик тадбиркорлар билан учрашув ташкил этилди

Ўзбекистон Савдо-саноат палатасида логистика, юкларни ташиш ва сақлаш соҳасида еткачи саналган Польшанинг “РК Global” компанияси раҳбарияти билан учрашув ўтказилди.

Учрашувда томонлар Ўзбекистон ва Польша ўртасида ўзаро савдо-сотиқ алоқаларини кенгайтириш, Ўзбекистон маҳсулотларини Польша ва Европа Иттифоқи давлатларига етказиб бериш ҳамда транспорт-логистика соҳаларида ҳамкорлик қилиш масалаларини муҳокама қилдилар.

Польша томони республикамиздан тайёр текстиль маҳсулотлари, энергия ресурсларини харид қилиш ва Европа бозорига етказиб бериш борасида катта қизиқишга эга эканлигини таъкидлаб ўтиб, Ўзбекистон билан Польша ва Европа Иттифоқи давлатларига истиқболли товарларни экспорт қилишда ҳамкорлик қилишга тайёрлигини билдирди.

Учрашувда Польша компанияси вакиллари ўзларини қизиқтирган саволларга батафсил жавоблар олишди ҳамда келгусида ўзаро ҳамкорлик қилиш бўйича мулоқотни давом эттиришга келишиб олинди.

ССП матбуот хизмати