Туркия ва Ўзбекистон ўртасида темир йўл йўналиши ўз ишини бошлади

Туркий давлатлар ташкилоти доирасида Измирдан йўлга чиққан илк юк поезди Тошкентга етиб келди.

2022-йил 11-ноябрда бўлиб ўтган ТДТ Самарқанд саммитида давлат раҳбарлари темир йўлларнинг транзит салоҳиятини янада ривожлантириш, транспорт операцияларини рақамлаштириш ва темир йўл маъмуриятлари ўртасидаги тармоқни мустаҳкамлаш бўйича аъзо давлатлар ўртасида яқин ҳамкорликни ривожлантиришга келишиб олдилар. 

Шу муносабат билан темир йўл маъмуриятлари ўртасида олиб борилаётган юқоридаги ишлар туркий минтақадаги мавжуд транспорт-коммуникация тармоқлари ва инфратузилмасидан самарали фойдаланишга, жаҳон ва минтақавий бозорларда юк ташиш вақтини ва нархини сезиларли даражада камайтиришга хизмат қилади.