Turkiya va Oʼzbekiston oʼrtasida temir yoʼl yoʼnalishi oʼz ishini boshladi

Turkiy davlatlar tashkiloti doirasida Izmirdan yoʼlga chiqqan ilk yuk poezdi Toshkentga yetib keldi.

2022-yil 11-noyabrda boʼlib oʼtgan TDT Samarqand sammitida davlat rahbarlari temir yoʼllarning tranzit salohiyatini yanada rivojlantirish, transport operatsiyalarini raqamlashtirish va temir yoʼl maʼmuriyatlari oʼrtasidagi tarmoqni mustahkamlash boʼyicha aʼzo davlatlar oʼrtasida yaqin hamkorlikni rivojlantirishga kelishib oldilar. 

Shu munosabat bilan temir yoʼl maʼmuriyatlari oʼrtasida olib borilayotgan yuqoridagi ishlar turkiy mintaqadagi mavjud transport-kommunikatsiya tarmoqlari va infratuzilmasidan samarali foydalanishga, jahon va mintaqaviy bozorlarda yuk tashish vaqtini va narxini sezilarli darajada kamaytirishga xizmat qiladi.