![](/uploads/news/images/large/__27bc5662921ab8ce925046f271fb1807.jpg)
“Namangan Sement” МЧЖ корхонасида маҳсулот ишлаб чиқаришда муқобил ёқилғи энергия манбааларидан самарали фойдаланиш бўйича учрашув ўтказилди
Жорий йилнинг 9 февраль куни Ўзбекистон Савдо-саноат палатаси томонидан Наманган вилоятида жойлашган “Namangan Sement” МЧЖ корхонасида цемент маҳсулотини ишлаб чиқаришда тўлиқ кўмир ёқилғисида фойдаланган ишлаб чиқаришни йўлга қўйиш технологиялари ва бу борадаги ёқилғи тежамкорлигига эришиш имкониятлари ўрганишга бағишланган учрашув ташкил этилди.
Ҳозирда “Namangan Sement” МЧЖ цемент ишлаб чиқаришда кўмир ёқилғисидан фойдаланишни йўлга қўйиши натижасида газга бўлган талаб кескин камайган ва корхона томонидан ишлаб чиқаришни узлуксиз амалга ошириш учун бошқа ёқилғи ресурсларидан самарали фойдаланган ҳолда цемент маҳсулотини ишлаб чиқариш амалга ошириб келинмоқда.
Таҳлилларга кўра, мамлакатимизда жами 60 дан ортиқ цемент заводи мавжуд бўлиб, асосий 35 та корхоналарнинг 14 таси табиий газда, 14 таси кўмирда ҳамда 7 таси ҳам табиий газ ҳам кўмир ёқилғисида ўз фаолиятини йўлга қўйган. Ҳар йили республика бўйича цемент заводаларида 1,6 млрд. куб метр табиий газ ва 1,1 млн тонна кўмир ишлатилади.
“Namangan Sement” корхонасига республикамизнинг барча ҳудудларидан 20 тадан ортиқ цемент ишлаб чиқариш корхоналаридан 40 га яқин раҳбар, мухандис, технолог ва тежамкор ёқилғи технологияларини жорий этиш менежерлари ташриф буюрган ҳолда соҳага оид ёқилғи ресурсларида тежамкорликка эришиш ва муқобил энергия ресурсларини қўллаш технологияларини жорий этиш борасида ўзаро фикр алмашиб, “Namangan Sement” МЧЖда қўлланилаётган тежамкор технологиялар билан танишдилар.
Бундай тадбирлар саноат корхоналарида ёқилғи ресурсларини тежашнинг энг замонавий технологияларига ўтиш, газдан фойдаланмасдан муқобил ёқилғи ресурсларидан ишлаб чиқаришда самарали фойдаланишда иқтисодий жиҳатдан катта самара беради.
ССП матбуот хизмати
09.02.2023
16:49