Ўзбекистон – Испания ўртасида савдо-иқтисодий ҳамкорлик алоқаларини ривожлантириш масалалари муҳокама этилди

Жорий йилнинг 17 феврал куни Ўзбекистон Савдо-саноат палатасида Испания элчихонаси Савдо атташеси Хуан-Мигел Маркес бошчилигидаги делегация вакиллари билан Ўзбекистон – Испания ўртасида савдо-иқтисодий ва инвестициявий ҳамкорлик муносабатларини ривожлантириш масалалари муҳокама этилди.

Учрашувда Испания – Ўзбекистон ўртасидаги савдо-иқтисодий муносабатларнинг жорий ҳолати ва келгусида ўзаро ҳамкорлик алоқаларини ривожлантириш, жорий йил март ойида Тошкент шаҳрида икки давлат ишбилармон доиралари иштирокида Ўзбек-Испан Бизнес-форуми ва B2B форматидаги учрашувларни ташкил этиш, бу тадбирга Испания ва Ўзбекистонда етакчи компанияларни жалб этиш масалалари кўриб чиқилди.

Тадбирда бўлажак қўшма бизнес-форум доирасида икки давлат ишбилармон доиралари ўртасида ҳамкорлик алоқаларини йўлга қўйишда озиқ-овқат, текстил, чарм-пояфзал, қишлоқ хўжалиги, сув ва энергия ресрусларидан оқилона фойдаланиш технологиялари, туризм ва ахборот технологиялари соҳаларида икки томонлама ҳамкорлик алоқаларини фаоллаштириш ва бу борада қўшима лойиҳаларни амалга оширишга кўпроқ эътибор қаратишга келишиб олинди.

Учрашув якунида томонлар кутилаётган бизнес-форумни ташкил этиш борасида ўзаро ҳамкорлик алоқаларини давом эттиришлар ҳақида тўхталиб ўтилди.

ССП матбуот хизмати