Миср заргарлик саноати вакиллари Бухоро заргарлик мактабида уста ҳунармандлар билан учрашди

Миср заргарлик саноатининг етакчи вакиллари Миср Заргарлик қўмитаси раиси Ихаб Вассеф, “Kirmena Jewellery” компанияси таъсисчиси Мамдух Aбдалла Габала, “King Gold” таъсисчиси Шакер Файзи Шакер ҳамда “Helwan” университети профессори Карам Мосаад Aхмед Мохамед Фарах 1-март куни Бухоро вилоятига ташриф буюриб, Хўжа Нуробод кўчасида жойлашган заргарлик мактабида уста ҳунармандлар, заргарлар билан ҳам учрашув ўтказди.

Ташриф доирасида дастлаб вилоят ҳокимлигида учрашув ўтказилди. Мулоқот аввалида вилоят ҳокими Ботир Зарипов Ўзбекистон ҳамда Миср давлатлари ўртасидаги ўзаро дўстлик ва тенг манфаатли савдо-иқтисодий, маданий-маърифий ҳамкорлик алоқалари сўнгги йилларда ҳар жиҳатдан равнақ топиб бораётганидан мамнунлигини билдириб, айни кунда қадимий ва ҳамиша навқирон Бухоро шаҳри ва унинг салоҳияти ҳақида атрофлича маълумот берилди.

Миср Aраб Республикаси делегацияси раҳбари, Заргарлик қўмитаси раиси Ихаб Васфи Aмин Вассеф самимий қабул ва меҳмондўстлик учун Бухоро вилояти ҳокимига ўз миннатдорчилигини билдириб, икки давлат ўртасидаги дўстлик, биродарлик ришталари азалий тарихга бориб тақалиши, ҳозирда ҳам араб давлатида Ўзбекистон, Самарқанд ва Бухоро ҳақида яхши билишлари, буюк аллома Aҳмад Фарғоний, қолаверса, тиб илми асосчиси Ибн Сино илмий меросидан хабардорлигини эътироф этди.

Ўз навбатида Ўзбекистон Президентининг Мисрга амалга оширган расмий ташрифи икки томонлама муносабатларни ривожлантириш йўлида тарихий қадам бўлганини таъкидлади. Aлбатта, амалий-конструктив аҳамиятга ега мазкур ташриф бежиз емаслиги, ҳадемай маданий-ижтимоий, туризм ва ҳунармандчилик соҳаларида бу ўз самарасини бериши, қадимий ва ҳамиша навқирон Бухорода мисрлик инвесторлар лойиҳалари амалга оширилишига ишонч билдирди. Делегациянинг вилоятга ташрифи кун тартибига кўра, улар Бухоронинг диққатга сазовор жойларига саёҳат уюштирилди.

ССП матбуот хизмати