Микромарказлар ташкил қилиш масалалари муҳокама қилинди

Ўзбекистон Савдо-саноат палатаси Раиси Д.Вахабов Ўзбекистон Республикаси Президентининг 2022 йил 25 июлдаги “Маҳаллаларда саноат, ҳунармандчилик, касаначилик ва чорвачилик микромарказларини ташкил этиш чора-тадбирлари тўғрисида”ги ПҚ-331-сон қарори ҳамда Давлат раҳбари раислигида 2023 йил 25 январь куни камбағалликни қисқартириш, аҳоли бандлигини таъминлаш ва кичик бизнесни қўллаб-қувватлаш масалалари бўйича ўтказилган видеоселектор йиғилиши 4-сонли баёни ижроси тўғрисида ҳудудлардаги масъуллар билан видеоконференцалоқа орқали муҳокама қилинди.

Хусусан, маҳаллаларда саноат, ҳунармандчилик, касаначилик ва чорвачилик йўналишларида ташкил этиладиган микромарказларнинг манзилли рўйхати тасдиқланган ва унга асосан 2023 йил якунига қадар жами 127 та микромарказлар ташкил қилиниши масалалари кўриб чиқилди.

Бироқ ушбу вазифа бўйича амалга оширилаётган ишлар қониқарсиз эканлиги ва бу борадаги ишларни жадаллаштириш, мавжуд муаммоларни ечими бўйича таклифлар ишлаб чиқиш зарурлиги таъкидланди.

Шунингдек, Ўзбекистон Савдо-саноат палатасининг Хоразм ва Навоий вилояти ҳудудий бошқармалари ҳамда уларнинг туман (шаҳар) бўлимлари ходимлари фаолиятининг бугунги кундаги устувор йўналишларига бағишлаб жорий йилнинг 9 март куни Палата раиси бошчилигида ўтказилган йиғилишда берилган топшириқларнинг ижроси юзасидан ҳар бир масъулларнинг ахбороти эшитилди.

Хусусан, "e-auksion" платформасига киритилган давлат активлари бўлган бино ва иншоатларни тадбиркорлик субъектларига бўлиб-бўлиб сотиш бўйича таклифлар ишлаб чиқиш борасидаги топшириқнинг ҳудудларда мазмун моҳиятини тушуниб етган ходимларнинг амалга оширган ишлари тингланди.

Шунингдек, Палатанинг барча ҳудудий бошқармалари бошлиқлари Ўзбекистон Республикаси Конституциясининг янги таҳрирдаги лойиҳаси бўйича Палата олдида турган вазифаларни чуқур ҳис қилиши лозимлиги қайд қилинди.

ССП матбуот хизмати