Фарғонада Россиянинг "Wildberries" компанияси вакили билан музокаралар ўтказилди

«Фарғона водийси енгил саноати» III форуми  ва кўргазмаси доирасида Савдо-саноат палатаси Фарғона вилояти ҳудудий бошқармаси томонидан Россиянинг "Wildberries" компанияси вакили Губанов Максим билан музокаралар ўтказилди.

Учрашув давомида Савдо-саноат палатаси Фарғона вилояти ҳудудий бошқармаси кўмагида Учкўприк туманидаги "Бобошбек" ишлаб-чиқариш-логистика ва савдо мажмуаси ҳудудида "Wилдберриес" логистика маркази учун 3200 м2 омбор биносини ажратиб бериш бўйича келишувга эришилди. Иш жараёнини ташкил этиш жорий ойнинг келгуси ҳафтасига режалаштирилди.

Wildberries — кийим-кечак, пойабзал, электроника, болалар ва бошқа турдаги товарларнинг халқаро онлайн-дўкони.

ССП матбуот хизмати