Ўзбекистон ва Эрон ўртасидаги ҳамкорлик истиқболлари муҳокама қилинди

Жорий йилнинг 29 май куни Ўзбекистон Савдо-саноат палатаси вакиллари билан Эрон Савдо-саноат, тоғ-кон ва қишлоқ хўжалиги палатаси вакили ўртасида учрашув бўлиб ўтди.

Учрашувда Ўзбекистон ва Эрон ўртасидаги савдо-иқтисодий ҳамкорлик изчил ривожланиб бораётгани ҳақида таъкидлади. Қолаверса, томонлар икки Палата фаолияти билан ҳам танишиб, Ўзбекистон Савдо-саноат палатаси томонидан бизнес вакиллари учун яратилаётган янги имкониятларни муҳокама қилди.

Шунингдек, учрашув давомида Ўзбекистон ва Эрон ўртасидаги Ҳукуматлараро комиссия доирасида қабул қилиниши режалаштирилган икки давлат палаталари тўғрисидаги Протоколнинг бандларини муҳокама қилинди. Хусусан, томонлар икки давлат Арбитраж марказлари ўртасида ўзаро англашув меморандумини имзолаш имкониятларини кўриб чиқишга келишиб олди.

Учрашув якунлари бўйича Меморандум тафсилотларини яна батафсил муҳокама қилишга, шунингдек, Ишбилармонлар қўмитаси йиғилишини ташкил этиш имкониятларини кўриб чиқишга келишиб олинди.

ССП матбуот хизмати