Давлат раҳбарининг очиқ мулоқотига тайёргарлик кўриш доирасида тадбиркорлар билан колл-марказлар ва таҳлилий штаб ташкил этилди

Ҳар йили 20-август куни Ўзбекистонда Тадбиркорлар куни нишонланади. Сана муносабати билан енг муҳим ва кутилаётган воқеа – Юртбошимизнинг тадбиркорлар билан Очиқ мулоқоти бўлиб ўтади. Тадбирда минглаб ишбилармонларнинг онлайн ва бевосита тарзда иштирок этиши кутилмоқда.

Мулоқотнинг ўзига хос жиҳати унинг дўстона ва ишонч руҳида ўтказилишидир. Бу, ўз навбатида, тизимли муаммоларни аниқлаш, уларни ҳал қилиш йўлларини топиш ва мамлакатимизда тадбиркорликни ривожлантиришни янада рағбатлантиришга ёрдам беради.

Бир тасаввур қилиб кўринг, бу форматдаги мулоқот анъанаси икки йилдан буён давом этиб келаётганига қарамасдан 2021-йилдан бошлаб тадбирларга тайёргарлик доирасида ишбилармонлик муҳитини яхшилаш бўйича 27 мингдан ортиқ мурожаат ва таклифлар келиб тушди. Очиқ ва конструктив таклифлар янги ислоҳотлар дастурини шакллантиришга имкон берди.

Бу йил учинчи Очиқ мулоқот бўлиб ўтади.

Инвестициялар, саноат ва савдо вазирлиги томонидан Ўзбекистон Савдо-саноат палатаси ва Ўзбекистон Республикаси Президенти ҳузуридаги Тадбиркорлик субйектларининг ҳуқуқлари ва қонуний манфаатларини ҳимоя қилиш бўйича вакил (бизнес-омбудсман) билан ҳамкорликда колл-марказлар ва таҳлилий штаб фаолияти йўлга қўйилди. Ҳафтасига етти кун, суткасига 24 соат операторлар қўнғироқларингизни кутмоқда. Бу жараёнга масъул вазирлик ва идоралар жалб етилиб, вилоятларда ҳудудий штаблар ташкил қилинган.

Очиқ мулоқотга келиб тушган ҳар бир мурожаат еътиборга олиниши, ҳар бир ғоя мамлакатимиз тараққиётини рағбатлантирувчи янги ташаббусларга асос бўлиши муҳим аҳамиятга ега.

Тадбиркорлар кунигача кам вақт қолди. Кейинга қолдирманг - хабар ва таклифларингизни телефон орқали қолдиринг ёки електрон почта орқали юборинг:

Тезкор боғланиш учун телефон рақамлари:

1094 ва 1100

Портал:

business.gov.uz

Мамлакатимизда ишбилармонлик муҳитини ривожлантиришда фаол иштирок этинг!