Германия делегация аъзолари Самарқандга ташриф буюрди

Ҳабарингиз бор, Германия Савдо-саноат палатаси бошқаруви аъзоси Ф.Траер бошчилигидаги Германия Федератив Республикаси делегацияси Ўзбекистонда бўлиб турибди.

Жорий йилнинг 16 сентябрь куни делегация аъзолари Самарқандга ташриф буюрди. Ташриф давомида шаҳар ҳокими билан учрашув ташкил этилиб, шаҳарнинг тарихий мероси намойиш этилди.

Ушбу учрашувда Самарқанд вилояти ҳокими Э.Турдимов, Германия Савдо-саноат палатаси ижрочи директори Ф.Траер, Ўзбекистон Савдо-саноат палатаси раиси ўринбосари Ж.Ураков, шунингдек, Германиянинг ҳудудий палаталари ва идоралари раҳбарлари иштирок этди.

Суҳбат давомида Ўзбекистон ва Германия ўртасида иқтисодиётнинг турли тармоқлари, жумладан, меҳнат миграцияси соҳасида ҳамкорликни йўлга қўйиш ҳамда Самарқанд ва Гамбург шаҳарлари ўртасида қардошлик муносабатларини ўрнатиш тўғрисида Битим имзолаш масалалари муҳокама қилинди.

ССП Матбуот хизмати