Озон маркетплейси билан электрон тижоратни ривожлантириш бўйича меморандум имзоланди

Ўзбекистон Савдо-саноат палатаси ва Россиянинг Озон маркетплейси ўртасида электрон тижоратни ривожлантириш бўйича меморандум имзоланди.

Маросим 4 октябрь куни Қозон шаҳрида бўлиб ўтган учинчи Ўзбекистон-Россия ҳудудлараро ҳамкорлик форуми доирасида бўлиб ўтди.

Томонлар Ўзбекистонда товарларни сақлаш, қайта ишлаш ва етказиб бериш бўйича логистика инфратузилмасини ривожлантириш, шунингдек, трансчегаравий савдо механизмларини такомиллаштириш ва мамлакатда тадбиркорликни ривожлантириш мақсадида ҳамкорлик қилишга келишиб олдилар.

Ўзбекистон Савдо-саноат палатаси кўмагида “Озон” компанияси ўзбекистонлик тадбиркорлар учун ўқув тадбирларини ўтказади. Компания электрон тижоратни тартибга солиш, шунингдек, трансчегаравий савдо механизмларини такомиллаштириш ишларида иштирок этишни режалаштирмоқда.

Озон 2021 йилдан бери МДҲда тадбиркорлик билан шуғулланади. Бугунги кунда компания бозор майдонини ривожлантирмоқда ва Беларус, Қозоғистон, Қирғизистон ва Арманистонда сотувчиларни жалб қилмоқда.

ССП матбуот хизмати