Trutzschler компанияси вакиллари билан учрашув бўлиб ўтди

Ўзбекистон Савдо-саноат палатасида раис Даврон Вахабов Trutzschler компанияси вакиллари билан учрашув ўтказди.

Trutzschler — тўқимачилик машиналари ишлаб чиқарувчи дунёдаги етакчи компаниялардан биридир. Трутзсчлер машиналар, уларни ўрнатиш ва йигирув тайёрлаш учун қўшимча ускуналарга ихтисослашган.

2016 йилдан бери “Truezschler Group SE” тўқимачилик лойиҳалари ташаббускори бўлган тижорат банклари билан биргаликда умумий қиймати 800 миллион евродан ортиқ бўлган 70 дан ортиқ тўқимачилик соҳаси бўйича лойиҳаларни амалга оширди.

Учрашувда маҳаллий корхоналарнинг экспорт салоҳиятини ошириш мақсадида “Trutzschler” корхонасида ишлаб чиқарилаётган турли қувватдаги замонавий ускуналар асосида тайёр маҳсулот ишлаб чиқариш масалалари муҳокама қилинди.

Шунингдек, полиестер, вискоза, акрил ва бошқалар каби синтетик толалардан аралаш калава ишлаб чиқаришни ташкил этиш бўйича ҳамкорликни кенгайтириш юзасидан музокаралар олиб борилди.

Чуқур қайта ишлашни кўпайтириш ва қайта тикланган толалардан маҳсулотлар яратиш мақсадида тўқилмаган материаллар (Нонвовенс) ишлаб чиқариш ҳамда йигирув ва тикувчилик чиқиндиларини регенерация қилиш лойиҳаларини ташкил этиш масаласи ҳам кўтарилди.

Томонлар Trutzschler компаниясида талабаларнинг амалиёт ўташларини ташкил этиш орқали ўзаро тажриба алмашиш имкониятларини ҳам кўриб чиқишди.

ССП матбуот хизмати