Trutzschler kompaniyasi vakillari bilan uchrashuv bo‘lib o‘tdi

O‘zbekiston Savdo-sanoat palatasida rais Davron Vaхаbov Trutzschler kompaniyasi vakillari bilan uchrashuv o‘tkazdi.

Trutzschler  —  to'qimachilik mashinalari ishlab chiqaruvchi dunyodagi yetakchi kompaniyalardan biridir. Trutzschler mashinalar, ularni o'rnatish va yigiruv tayyorlash uchun qo'shimcha uskunalarga ixtisoslashgan.

2016-yildan beri “Truezschler Group SE” to‘qimachilik loyihalari tashabbuskori bo‘lgan tijorat banklari bilan birgalikda umumiy qiymati 800 million yevrodan ortiq bo‘lgan 70 dan ortiq to‘qimachilik sohasi bo‘yicha loyihalarni amalga oshirdi.

Uchrashuvda mahalliy korxonalarning eksport salohiyatini oshirish maqsadida “Truetzschler” korxonasida ishlab chiqarilayotgan turli quvvatdagi zamonaviy uskunalar asosida tayyor mahsulot ishlab chiqarish masalalari muhokama qilindi.

Shuningdek, poliester, viskoza, akril va boshqalar kabi sintetik tolalardan aralash kalava ishlab chiqarishni tashkil etish bo‘yicha hamkorlikni kengaytirish yuzasidan muzokaralar olib borildi.

Chuqur qayta ishlashni ko‘paytirish va qayta tiklangan tolalardan mahsulotlar yaratish maqsadida to‘qilmagan materiallar (Nonwovens) ishlab chiqarish hamda yigiruv va tikuvchilik chiqindilarini regeneratsiya qilish loyihalarini tashkil etish masalasi ham ko‘tarildi.

Tomonlar Truetzschler kompaniyasida talabalarning amaliyot o‘tashlarini tashkil etish orqali o‘zaro tajriba almashish imkoniyatlarini ham ko'rib chiqishdi.

SSP matbuot xizmati