"Ўзбекистон – 2030" стратегиясининг мазмун-моҳияти ва аҳамиятига бағишланган давра суҳбати

Жорий йил 24 октябрь куни Ўзбекистон Савдо-саноат палатасида "Ўзбекистон – 2030" стратегиясининг мазмун-моҳияти ва аҳамиятига бағишланган давра суҳбати ўтказилди.

Унда Ўзбекистон Республикаси Вазирлар Маҳкамаси масъул ходими Худойберди Шукуров, "Тараққиёт стратегияси" маркази бўлим бошлиғи Фурқат Юнусов, Савдо-саноат палатаси раҳбарияти ва ходимлари, шунингдек онлайн тарзда вилоятдаги 14 та ҳудудий бошқарма бошлиқлари иштирок этди.

Учрашувда Ф.Юнусов томонидан жорий йил 11 сентябрда қабул қилинган “Ўзбекистон – 2030” стратегияси тўғрисида”ги Президент ПФ-158-сон фармони мазмун-моҳияти тўғрисидаги тақдимоти тингланди.

Шунингдек, раиснинг биринчи ўринбосари И.Жасимов Стратегияда белгиланган вазифалар ижросини таъминлаш мақсадида Президентимизнинг ПҚ-300-сон қарорида 2023 йилда бажариладиган 18 та вазифа ва 13 та мақсадли кўрсаткичларга алоҳида тўхталиб ўтди.

“Ўзбекистон — 2030” стратегиясида жами 100 та мақсад, 369 та чора-тадбир, 190 та вазифа, 306 та мақсадли кўрсаткич бажарилиши ва бу борада 118 та норматив-ҳуқуқий ҳужжат ишлаб чиқилиши кўзда тутилган.

Ўзаро мулоқот ва фикр алмашиш руҳида бўлиб ўтган давра суҳбатида иштирокчилар ўзларини қизиқтирган саволларга жавоб олишди.

ССП матбуот хизмати