Бандихон туманида "Тадбиркорлар хиёбони" очилди

Президентимизнинг 2023 йил 23 январдаги “Савдо-саноат палатаси фаолиятини янада такомиллаштириш бўйича қўшимча чора-тадбирлар тўғрисида”ги ПҚ-15-сонли Қарорининг ижросини таъминлаш мақсадида Сурхондарё вилоятининг Бандихон туманида "Тадбиркорлар хиёбони" ташкил этилди.

Хиёбон очилиш маросимида туман ҳокими А.Алламуродов, Ўзбекистон Савдо-саноат палатаси мутасаддилари, нуронийлар, тадбиркорлик субъектлари вакиллари иштирок этди.

Тадбирга йиғилганлар хиёбонда ишбилармон доира вакиллари учун яратилган шарт-шароитлар билан яқиндан танишди.

Мазкур хиёбон тадбиркорликка интилувчиларнинг эҳтиёжларини қондириш учун мўлжалланган бўлиб, бизнес ўсишини рағбатлантириш учун бир қатор қулайликлар ва имкониятларни таклиф этади.

Тадбиркорлар хиёбони потенсиал инвесторлар билан бизнес-лойиҳаларни муҳокама қилиш ва Б2Б учрашувларини ўтказиш учун мўлжалланган махсус хоналар билан таъминланган.

ССП матбуот хизмати