“Марказий Осиё – Корея Республикаси” ишбилармонлар кенгашининг 4-йиғилиши

Жорий йилнинг 2 ноябрь куни Туркманистон Савдо-саноат палатасида “Марказий Осиё – Корея Республикаси” ишбилармонлар кенгашининг 4-йиғилиши бўлиб ўтди.

Гибрид форматдаги учрашувда Марказий Осиё мамлакатлари ва Корея Республикасининг давлат ва хусусий сектор вакиллари иштирок этди.

Жумладан, Ўзбекистон вакили сифатида Савдо-саноат палатаси раиси ўринбосари Жамшед Ураков экспортчиларни янада қўллаб-қувватлаш учун Президентимиз томонидан имзоланган бир қатор ҳужжатлар ва юртимизда транспорт-логистика соҳаси бўйича яратилган имкониятлар тўғрисида нутқ сўзлади.

Шунингдек, кун тартибидан ҳудудда саноат ва транспортни рақамли трансформациялаш соҳасидаги инвестициявий муҳит ва имкониятларини муҳокама қилиш, Корея компанияларининг бу борадаги тажрибаси билан танишиш ўрин олган.

Учрашув якунида иштирокчилар Ишбилармонлар кенгашининг 2023 йилдаги фаолияти тўғрисидаги ҳисоботини кўриб чиқиб ва унинг 2024 йилга мўлжалланган фаолиятини такомиллаштириш бўйича ўз таклифларини билдиришди.

ССП матбуот хизмати