“Markaziy Osiyo – Koreya Respublikasi” ishbilarmonlar kengashining 4-yig‘ilishi

Joriy yilning 2 noyabr kuni Turkmaniston Savdo-sanoat palatasida “Markaziy Osiyo – Koreya Respublikasi” ishbilarmonlar kengashining 4-yig‘ilishi bo‘lib o‘tdi.

Gibrid formatdagi uchrashuvda Markaziy Osiyo mamlakatlari va Koreya Respublikasining davlat va xususiy sektor vakillari ishtirok etdi.

Jumladan, O’zbekiston vakili sifatida Savdo-sanoat palatasi raisi o’rinbosari Jamshed Urakov eksportchilarni yanada qo’llab-quvvatlash uchun Prezidentimiz tomonidan imzolangan bir qator hujjatlar va yurtimizda transport-logistika sohasi bo’yicha yaratilgan imkoniyatlar to’g’risida nutq so’zladi.

Shuningdek, kun tartibidan hududda sanoat va transportni raqamli transformatsiyalash sohasidagi investitsiyaviy muhit va imkoniyatlarini muhokama qilish, Koreya kompaniyalarining bu boradagi tajribasi bilan tanishish o‘rin olgan.

Uchrashuv yakunida ishtirokchilar Ishbilarmonlar kengashining 2023-yildagi faoliyati to‘g‘risidagi hisobotini ko‘rib chiqib va uning 2024-yilga mo‘ljallangan faoliyatini takomillashtirish bo‘yicha o‘z takliflarini bildirishdi.

SSP matbuot xizmati