Ўзбекистон – Саудия Арабистони Ишбилармонлар кенгашининг йиғилиши

Жорий йил 21-декабрь куни Ўзбекистон делегациясининг делегатсиясининг Саудия Арабистони Подшоҳлигига ташрифи доирасида Ўзбекистон – Саудия Арабистони Ишбилармонлар кенгашининг йиғилиши бўлиб ўтди.

Мазкур тадбирда Савдо-саноат палатаси раиси, Ўзбекистон томонидан кенгаш ҳамраиси Даврон Вахабов, ““ACWA Power” компанияси бошқаруви раиси, Саудия Арабистони томонидан кенгаш ҳамраиси Мухаммад Абунайян иштирок этди.

Ўзбекистон ва Саудия Арабистони ўртасидаги сармоявий ва савдо-иқтисодий ҳамкорликни яна-да ривожлантиришнинг ҳал қилувчи омили сифатида икки мамлакат ишбилармон доиралари ўртасидаги икки томонлама алоқаларни мустаҳкамлаш масалалари тадбирнинг асосий мавзуси бўлди.

Ишбилармонлар кенгаши доирасидаги ҳамкорликни фаоллаштириш учун саноат кооператсиясини чуқурлаштириш, ўзаро товар ва хизматлар савдоси учун қулай шарт-шароитларни таъминлаш борасидаги ишларни давом эттириш муҳимлигини алоҳида таъкидланди.

Шунингдек, инновацион инновасион технологиялардан фойдаланган ҳолда йирик инвеститсия лойиҳаларини амалга ошириш ва бошқа кўплаб соҳаларда ҳали фойдаланилмаган салоҳиятнинг салмоқли захирасидан фойдаланиб ҳамкорликни кенгайтириш масалалари кўриб чиқилди.

Йиғилиш доирасида ташкил Б2Б форматидаги учрашувлар икки мамлакат ишбилармон доира вакиллари ўртасидаги фаол бизнес ҳамкорликка қизиқиш ортаётганини кўрсатди. Очиқ, самимий руҳда кечган мулоқот давомида томонлар аниқ лойиҳа таклифлари асосида шериклик истиқболини атрофлича муҳокама қилиш имконига эга бўлдилар.

ССП матбуот хизмати