Anhui Coronet Tech. Co., ЛТД. компанияси вакиллари билан учрашув

Жорий йилнинг 26 декабрь куни Ўзбекистон Савдо-саноат палатасида Хитой Халқ Республикасининг Anhui Coronet Tech. Co., ЛТД. компанияси вакиллари билан учрашув бўлиб ўтди.

Учрашувдан мақсад Ўзбекистон Республикасига автосаноат соҳаси бўйича инвестиция киритиш, асосан электромобиль ишлаб чиқариб, ички бозорга ва Ўрта Осиё давлатларига экспорт қилиш режалаштирилганлиги маълум қилинди ва бу борада музокаралар олиб борилди.

Таъкидланишича, лойиҳанинг биринчи босқичида 7 млн АҚШ доллар миқдорида маблағ тўплаш ва ишлаб чиқиш цехларини қуришга сарфланиши, кейинги босқичларда эса тегишли ускуналарни олиб келиб ўрнатилиши ҳамда лойиҳа якуни бўйича 30 млн АҚШ доллари сарфланиб 700 дан ортиқ иш ўрни шаклланиши, шундан 650 иш ўрнини ҳудудий аҳоли ҳисобига тўлдириш режалаштирилганлиги билдирилди.

Ўзбекистон Савдо-саноат палатаси раиси ўринбосари в.б Умидбек Сафаров юқоридаги таклифга кўра, ҳозирги кунда Хоразм вилоятидаги эркин иқтисодий зонадан фойдаланиш имкони мавжудлиги, шунингдек, Хоразм вилояти ҳокимлиги билан учрашув ташкиллаштиришда кўмак берилиши айтиб ўтилди. 

Учрашув якунида эса тегишли келишув ҳужжат лойиҳалари ҳамда бизнес режа билан танишиб хулоса берилиши таъкидланди ва Ўзбекистон Савдо-саноат палатаси ҳар томонлама ҳамкорлликка тайёрлиги маълум қилинди.

ССП матбуот хизмати