“ETTB va kichik biznes sub'ektlarining o'zaro hamkorligi mexanizmlari” mavzuida seminar doirasida xamkorlik shartnomasi imzolandi

9 noyabr kuni Toshkent shahrida Toshkent, Sirdaryo, Jizzax viloyatlari hamda Toshkent shahri tadbirkorlari xamda YETTB ekspetrlari ishtirokida “ETTB va kichik biznes sub'ektlarining o'zaro hamkorligi mexanizmlari” mavzuida seminar-trening bo'lib o'tdi.

Mazkur tadbirni tashkil etishdan ko'zdangan maqsad mahalliy tadbirkorlik sub'ektlarini kredit va grant mablag'lari ajratilishi shartlariga oid batafsil ma'lumot taqdim etish orqali O'zbekiston Respublikasida YETTB tomonidan investitsiyaviy loyihalarning moliyalashtirilishi imkoniyatlari to'g'risida xabardor qilishdan iborat bo'ldi.

Seminar-treningda tadbirkorlikni rivojlantirishni qo'llab-quvvatlash, jumladan to'g'ridan-to'g'ri xorijiy investitsiyalarni jalb qilish orqali mamlakat iqtisodiyotining raqobatbardoshligini oshirish masalalari muhokama qilindi.

ETTB vakillari tomonidan tadbirkorlik sub'ektlari uchun qator taqdimotlar o'tkazilib, shuningdek quyidagi yo'nalishlar bo'yicha maslahat sessiyalari tashkil etildi:

- xususiy sektor uchun maslahat;

- kredit liniyalari yordamida moliyalashtirish;

- YETTB bilan hududiy ham

korlikni muhokama qilish.

Shu bilan birga, kichik va o'rta biznesga maslahat xizmatlari va moliyalashtirishni taqdim etish, mintaqaviy savdo va integrallashuvni rivojlantirish kabi mavzular ham muhokamalar qatoridan o'rin oldi.

Seminar davomida O'zbekiston kichik va o'rta biznesni ko'llab-kuvvatlash bo'yicha O'zbekiston Savdo-sanoat palatasi xamda Yevropa tiklanish va taraqqiyot banki o'rtasida xamkorlik yuzasidan ikki tomonlama xujjat imzolandi.

Qayd etish kerakki, YETTB Markaziy Osiyodagi eng yirik institutsional investor hisoblanib, bugungi kunda iqtisodiyotning xususiyt sektorni rivojlantirishga doir infratuzilmadan tortib to qishloq xo'jaligigacha bo'lgan turli sektorlaridagi loyihalariga qariyb 11,6 mlrd. yevro (12,3 mlrd. AQSH dollari) kiritdi.

Bank tomonidan O'zbekistonga 894 mln. yevro investitsiya kiritildi; mamlakatdagi loyihalarning 8 mln. yevro qiymatiga teng amaldagi portfeli boshqaruvi Toshkent va Londonda amalga oshiriladi.

O'zbekiston bo'yicha YETTB boshqaruvchi direktori tomonidan tasdiqlangan, Senat raisining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari bo'yicha birinchi o'rinbosari Sodiq Safaev ta'kidlaganidek, mamlakat va bank o'rtasidagi munosabatlarning yangilanishi holati “xalqaro jamiyat, hamkorlarimiz tomonidan ikki tomonlama asosda juda yaxshi qabul qilindi”. “Bugungi kunda biz bank hamkorligida O'zbekistondagi loyihalarni moliyalashtirishga tayyorligini bildirgan ko'plab YETTB donor-mamlakatlari bilan kelishuvlarga egamiz”, - deya qayd etdi Sodiq Safaev.

Презентация 1

Презентация 2

Презентация 3

O'zSSP Axborot xizmati