“Yoshlar – kelajagimiz” Davlat dasturi

O'zbekiston Respublikasi Prezidentining “Yoshlar – kelajagimiz” Davlat dasturi to'g'risida 2018 yil 27 iyundagi PF-5466-son Farmoni hamda O'zbekiston Respublikasi Vazirlar Mahkamasining 2018 yil 16 avgustdagi 669-son Qarori ijrosini joylarda samarali tashkil etish maqsadida joriy yilning 7-10 sentyabr kunlari “Yoshlar – kelajagimiz” jamg'armasi tuman (shahar) filiallari rahbarlarining malakalarini oshirishga qaratilgan o'quv oromgohini tashkil etish va o'tkazish rejalashtirilgan.

O'quv oromgoh dasturiga muvofiq, Jamg'arma mablag'lari hisobidan moliyalashtirishda O'zbekiston Savdo-sanoat palatasi tomonidan ishlab chiqilgan yoshlarning biznes tashabbuslari, startaplari, g'oyalar va loyihalarining namunaviy biznes-rejalari va ularning tarkibiy qismlari to'g'risida seminar-treninglar o'tkazish belgilangan.

Mazkur dastur doirasida joriy yilning 7-10 sentyabr kunlari Toshkent viloyati, Bo'stonliq tumanida joylashgan “Yoshlar oromgohida” o'tkazilgan o'quv oromgohida 200 ga yaqin “Yoshlar – kelajagimiz” davlat jamg'armasining tuman rahbarlari guruhlarga bo'lingan holda biznes-rejalar tuzish va ularning tarkibiy qismlari to'g'risida seminar-treninglar o'tkazilmoqda.
Unda O'zbekiston Savdo-sanoat palatasi xodimi B.Umarov o'z taqdimoti bilan qatnashib, ishtirokchilarga biznesda o'z g'oyalarini ilgari surish, qanday boshlash va yuritish haqida batafsil ma'lumotlar berilmoqda.

O'z SSP Matbuot xizmati