“Hududlarda tadbirkorlik faoliyati asoslarini o'qitishni takomillashtirish yo'nalishlari” mavzusida videokonferensiya tashkil etildi

2018 yil 12 oktyabrda Savdo-sanoat palatasining katta majlislar zalida “Hududlarda tadbirkorlik faoliyati asoslarini o'qitishni takomillashtirish yo'nalishlari” mavzusida videokonferensiya tarzidagi davra suhbati o'tkazildi.

Mazkur davra suhbati O'zbekiston Respublikasi Savdo sanoat palatasi,  O'zbekiston Respublikasi Davlat raqobat qo'mitasi, Tadbirkorlik asoslarini o'qitish respublika markazi hamda O'zbekiston Yoshlar Ittifoqi hamkorligida o'tkazildi.

Tadbirda Tadbirkorlik asoslarini o'qitish respublika markazi tomonidan aholining keng qatlamlarini tadbirkorlikka yo'naltirish bo'yicha amalga oshirilayotgan ishlarining natijadorligi va ushbu jarayonlar samaradorligini oshirish yo'nalishlari muhokama qilindi.

O'zbekiston Savdo sanoat palatasi raisining o'rinbosari U.Butaev tomonidan tadbirkorlik sub'ektlarini bilimlari va omilkorliklarini muttasil oshirib borishda yangi interaktiv va masofaviy metodlar qo'llanishining istiqbollari haqida alohida to'xtalib o'tildi.

Shuningdek, tadbirda O'zbekiston Savdo-sanoat palatasining Tadbirkorlikka o'qitish va Xalqaro mehnat tashkiloti bilan hamkorlik qilish boshqarmasi yetakchi mutaxassisi D.Jumaniyazov so'zga chiqib, aholini tadbirkorlik faoliyatiga yanada faol jalb etish va xususiy biznesini boshlashga, shuningdek, tadbirkorlik sub'ektlari faoliyatining barcha bosqichlarida yuzaga kelayotgan muammolarni ortiqcha sarsongarchiliklarsiz
va qog'ozbozliksiz tezkor hal etishda amaliy yordam berishdan iborat ekanligini ta'kidladi.

Bu borada, davra suhbati davomida, tadbirkorlik faoliyati asoslarini o'qitish respublika markazida tahsil oladigan tadbirkorlar uchun ХXRda ishlab chiqarilgan kichik texnologiyalar va asbob- uskunalarni bankning mikrokreditlari sharti asosida xarid qilish uchun maqbul sharoitlar yaratish masalasi ko'rib chiqildi.

O'zbekiston Respublikasi Savdo sanoat palatasi tomonidan tadbirkorlik sub'ektlarini bilimlari va omilkorliklarini muttasil oshirib borishda yangi interaktiv va masofaviy metodlar qo'llanishining istiqbollari davra suhbati muhokamalarining muhim mavzusiga aylandi. Zero, o'quv kurslari jarayonida tadbirkor-tinglovchilar o'rtasida o'quv kurslari metodikasi va sifati bo'yicha so'rovnomalar o'tkazilib, Markazning faoliyatini yanada takomillashtirish yuzasidan quyidagi taklif va mulohazalar berilgan:

- o'quv kurslarida o'qitish jarayonida innovatsion g'oyalar, masofaviy o'qitish, yuqori texnologiyalar va ko'rgazmali qurollardan foydalanishni keng tadbiq etish;
- yoshlarni tadbirkorlikka qiziqtirish hamda ularni tadbirkorlikka kengroq jalb qilish maqsadida o'quv kurslarining muddatlarini uzaytirish hamda “on-layn” tarzda, uzluksiz o'qitishni tashkil etish bo'yicha tegishli choralar ko'rish;
- o'quv kurslarida dars o'tish uchun xorijiy mutaxassislarni jalb qilib borish;
- o'quv kurslariga oliy ta'lim mussasalaridan marketing va moliyaviy menejment kabi yo'nalishlar bo'yicha malakali mutaxassislarni va maxsus malakali biznes trenerlar guruhini tashkil etish orqali, ularni ushbu o'quv kurslariga doimiy tarzda jalb qilib borish.

Shulardan kelib chiqib, tadbirkorlarni masofaviy o'qitish va malakasini oshirish bo'yicha mutlaqo yangi vositasi sifatida O'zbekiston Respublikasi Savdo sanoat palatasi, “Norma” professional rivojlanish markazi va boshqa bir qator hamkorlar bilan birgalikda yaratilganwww.direktor.uz va www.bir.uz portallarining taqdimoti o'tkazildi.

O'z SSP Axborot hizmati t.me/uzchamber