Oliy Majlis Qonunchilik palatasi deputatlari bilan uchrashuv.

23 yanvar kuni O'zbekiston Savdo-sanoat palatasiga O'zbekiston Respublikasi Oliy majlisi Qonunchilik palatasining bir gurux deputatlari tashrif buyurdi.

Xususan, deputat Pardaev Azamat Kenjaboevich “Sanoat, Qurilish va savdo masalalari Qo'mitasi” raisining o'rinbosari, “Sanoat, Qurilish va savdo masalalari Qo'mitasi” a'zolari, deputat Ismoilov Sohibjon Ibragimovich  va deputat Ergashev Qahramon Payzullaevichlar.

Deputatlar 2018 yilda yangi tahrirda qabul qilangan «O'zbekiston Respublikasi Savdo-sanoat palatasi to'g'risida»gi O'zbekiston Respublikasi qonuni ijrosi hamda Palata tomonidan tadbirkorlik sub'ektlarini qo'llab-quvvatlash, ayniqsa, o'z faoliyatini yo'lga qo'yishi davrida qo'llab-quvvatlash tizimini shakllantirish, ularning huquqlari va qonuniy manfaatlarini himoya qilish kafolatlarini kuchaytirish, xususiy mulk va tadbirkorlikning rivojlanishiga, ularning ustuvorlik rolini, shuningdek daxlsizligini ta'minlashga, mamlakat aholisini tadbirkorlik faoliyatiga jalb etish  borasida amalga oshirilayotgan ishlar bilan yaqindan tanishdilar. 
 
Tashrif davomida mehmonlar Savdo-sanoat palatasi mutaxassislarining tadbirkorlik sub'ektlari bilan bevosita muloqotlar olib borib, ularni qiynayotgan masalalarni yechish bo'yicha amaliy chora-tadbirlarni ko'rish bilan bir qatorda qonunchilikni takomillashtirish yo'nalishida olib borayotgan faoliyatlari bilan tanishdilar. 
Shu bilan birgalikda, tadbirkorlik faoliyatiga endigina kirib kelayotgan yoshlarimizning “startap” loyixalari tadbiq etilishi, shu sohani yanada rivojlantirish yuzasidan o'zlarining takliflarini berib, kelgusida yaqindan xamkorlik qilishga kelishib oldilar. 

Deputatlar Palata faoliyati bilan tanishar ekan, Azamat Kenjaboevich tadbirkorlar huquqlarini ta'minlash va xususiy mulkni ishonchli himoya qilish jarayonida O'zbekiston Respublikasi Oliy Majlisi Qonunchilik palatasi, huquqni muhofaza qilish organlari va jamoat tashkilotlarining o'zaro hamkorligi muhim o'rin tutishini alohida ta'kidladi. 

Eslatib o'tamiz, 2017 yil 20 oktyabr kuni O'zbekiston Respublikasi Oliy Majlisining Qonunchilik palatasi va O'zbekiston Respublikasi Savdo-sanoat palatasi o'rtasida Hamkorlik Bitimi imzolangan edi.
Hamkorlik Bitimida xususiy mulkchilikni va tadbirkorlikni rivojlantirish bo'yicha ekspert guruhlarini shakllantirish, Qonunchilik palatasida qabul qilinadigan qonun loyihalarining ishlanishi va qabul qilinishi jarayonlariga Savdo-sanoat palatasi vakillarini jalb etish, shuningdek, joylardagi haqiqiy holatni o'rganishda hamda qonun hujjatlarini nazorat-tahlil tartibida o'rganishda palata vakillari bilan yaqin hamkorlikda faoliyat olib borish ko'zda tutilgan.
Shu bilan birga, tadbirkorlik sohasiga oid qonun loyihalari ishlab chiqilishida qonun loyihalarining tadbirkorlik faoliyatiga ta'sirini baholash bo'yicha Jamoatchilik ekspertizasi xulosalari Savdo-sanoat palatasi  tomonidan Oliy Majlis Konunchilik palatasiga taqdim etib borilishi belgilangan.

SSP Axborot xizmati