O'zbekiston Respublikasi Turizmni rivojlantirish davlat qo'mitasi yoshlar turizmni rivojlantirish bo'yicha tanlov e'lon qiladi.

Siz Oʻzbekiston boʻylab sayohat qilishni va bu sayohat orqali qoʻshni mamlakatlar va mamlakat boʻylab bepul sayohat yoʻllanmasini qoʻlga kiritishni hohlaysizmi? Unda bu tanlov aynan Siz uchun!

Oʻzbekiston Respublikasi Turizmni rivojlantirish davlat qoʻmitasi mamlakatimizda ichki turizmni rivojlantirish, mamlakatimizning boy 
turizm salohiyatini yoshlar orasida keng targʻib qilish maqsadida 
Tourism challenge (Turizm chorlovi) loyihasini

EʼLON QILADI

Tanlovda mamlakatimiz taʼlim muassasalarida tahsil olayotgan oʻquvchi va talabalaridan iborat jamoalar ishtirok etishlari mumkin.

Tanlov quyidagi bosqichlarni oʻz ichiga oladi:

1. Tanlovda ishtirok etish istagini bildirgan yoshlar (taʼlim muassasasi nomidan) tanlovning tourchallenge.uz veb sayti orqali roʻyxatdan oʻtadilar;
2. Sayohatga borgan hududga borgach, tanlovning masʼul vakilidan tegishli atributni(taʼlim muassasasining raqami yoki nomi yozilgan bayroq) oladilar va tanlov uchun maxsus tayyorlagan xaritaga joylashtiradilar;
3. Shundan soʻng, xarita yonida va turizm obyektlarida oʻz jamoasi bilan suratga tushib, ommaviy axborot vositalari, shuningdek ijtimoiy tarmoqlar(facebook, instagram, telegram va boshqalar) orqali chorlov yoʻllaydilar va oʻz sayohatlarini keng yoritadilar;

Ishtirokchilarning sayohatlari hakamlar hayʼati tomonidan quyidagi mezonlar asosida koʻrib chiqiladi:

- sayohatlarni tashkil etish davri (turizm mavsumi past davrlarga - fevral, mart ustunlik beriladi);

- sayohatlarning umumiy masofasi;

- sayohatlar marshrutlarining yangiligi va oʻziga xosligi (kreativligi);

- sayohatlarning davomiyligi (ketma-ketligi);

- sayohatlar soni;

- sayohatchilar soni;

- sayohatlarning OAVda yoritilganligi (soni va OAV turi);

- sayohatlarning ijtimoiy tarmoqlarda keng tarqatilishi (qancha foydalanuvchi koʻrganligi).

- sayohat davrida olingan foto surat va video materiallarning sifati.

Tanlov gʻoliblari oliy taʼlim muassasalari, akademik litsey va 
kasb-hunar kollejlari hamda umumiy oʻrta taʼlim maktablari boʻyicha alohida aniqlanadi va eʼlon qilinadi.

Tanlov gʻoliblari quyidagicha taqdirlanadilar:

1-oʻrinlar: Qoʻshni ikkita mamlakatga 7 kunlik sayohat uchun 6 kishilik (sayohatlarni tashkil etishda eng faol qatnashgan va keng yoritgan ishtirokchilar) yoʻllanma, faxriy yorliqlar hamda kitoblar jamlanmasi (100 dona);

2-oʻrinlar: Qoʻshni bitta mamlakatga 5 kunlik sayohat uchun 6 kishilik (sayohatlarni tashkil etishda eng faol qatnashgan va keng yoritgan ishtirokchilar) yoʻllanma, faxriy yorliqlar hamda kitoblar jamlanmasi 
(50 dona);

3-oʻrinlar: Oʻzbekistonning 3 ta shahriga 5 kunlik sayohat uchun 6 kishilik yoʻllanma, faxriy yorliqlar hamda kitoblar jamlanmasi (50 dona) bilan taqdirlanadi.

Batafsil maʼlumotlarni www.tourchallenge.uz  sayti hamda +998951933402 telefon raqami orqali olishingiz mumkin.

Imkoniyatni qoʻldan boy bermang!

Oʻzbekiston boʻylab sayohat qiling!