“Tashabbus-2019” ko'rik-tanlovining Qashqadaryo viloyati bosqichi bo'lib o'tdi.

O'zbekiston Respublikasi Vazirlar Mahkamasining 2019 yil 14 apreldagi «O'zbekiston Respublikasi Prezidenti sovrini uchun tadbirkorlar,  fermerlar va hunarmandlar o'rtasida o'tkaziladigan  «Tashabbus-2019» ko'rik-tanlovini yuqori saviyada tashkil etish to'g'risida»gi 278-F-sonli farmoyishi qabul qilindi.

O'zbekiston Respublikasi Prezidenti sovrini uchun tadbirkorlar, fermerlar va hunarmandlar o'rtasida o'tkaziladigan “Tashabbus-2019” ko'rik-tanlovining viloyat bosqichi Qashqadaryo viloyatining Mulla To'ychi Tashmuxammedov nomidagi viloyat teatri binosida bo'lib o'tdi.

“Tashabbus-2019” ko'rik-tanlovda mamlakatimizda ilg'or natijalarga erishgan, xizmat ko'rsatish, ishlab chiqarish va xo'jalik yuritishning boshqa sohalarida tashabbus ko'rsatayotgan, mamlakatimiz iqtisodiy salohiyatini yanada mustahkamlashga, import o'rnini bosuvchi va eksportbop mahsulotlar ishlab chiqarishga, hududlarni ijtimoiy-iqtisodiy rivojlantirishga o'zining munosib hissasini qo'shayotgan, tadbirkorlar, fermerlar va hunarmandlar, jumladan yosh tadbirkorlar o'z tashabbuslarini namoyish etishdi.

Hay'at a'zolari ishtirokchilar tomonidan namoyish etilgan mahsulotlarni ko'zdan kechirib, ularning hulosasiga ko'ra kuyidagilar g'olib deb topildi:

Shunga ko'ra, asosiy nominatsiyalar bo'yicha:

Sanoat sohasida – “Yilning eng yaxshi tadbirkori” nominatsiyasi buyicha I o'rinni“Eko parranda” MCHJ” ;
Xizmat ko'rsatish sohasida – “Yilning eng yaxshi tadbirkori” nominatsiyasi buyicha I o'rinni “Setora Imkon plyus” MCHJ;
“Yilning eng yaxshi yosh tadbirkori” nominatsiyasi buyicha I o'rinni "Zafar G'olib Ekspress" MCHJ;
“Yilning eng yaxshi fermeri” yo'nalishida I o'rinni “Yurt rizqi naslchilik” MCHJ;

“Yilning eng yaxshi hunarmandi” yo'nalishida I o'rinni YATT To'raev Obidjon Olimovich egallab ko'rik-tanlovning respublika bosqichiga yo'llanmani qo'lga kiritishdi.

Shuningdek, “Tashabbus-2019” ko'rik-tanlovida qo'shimcha nominatsiyalar bo'yicha ham g'oliblar aniqlanib xomiylar tomonidan esdalik sovg'alari bilan taqdirlandilar. 

O'z SSP Axborot xizmati