O'zbekiston-Shveysariya biznes xamkorligiga bag'ishlangan davra suxbati bo'lib o'tdi.

O'zbekiston delegatsiyasining Xalqaro mehnat tashkilotining 100 yilligiga bag'ishlangan 108-Xalqaro mehnat konferensiyasida ishtiroki davomida O'zbekiston Savdo-sanoat palatasi, Tashqi ishlar vazirligi, Shveysariyaning Birlashgan savdo palatasi tomonidan Shveysariyaning Vintertur shahrida ikki mamlakat ishbilarmon vakillari xamkorligiga bag'ishlangan davra suhbati tashkil etildi.

Tadbirda O'zbekiston Respublikasi investitsiyalar va tashqi savdo vazirligi, To'qimachilik sanoati uyushmasi, Shveysariyaning iqtisodiy masalalar bo'yicha davlat kotibiyati (SECO), Turizm uyushmasi, “Rieter” va “Credit Suisse” kompaniyalari, Shveysariya tekstil uskunalari ishlab chiqaruvchilari assotsiatsiyasi kabi 50 dan ortiq O'zbekiston va Shveysariya xususiy biznes vakillari ishtirok etdi. 

Joriy yilning may oyida Toshkent shahrida bo'lib o'tgan O'zbekiston va Shveysariya savdo-iqtisodiy xamkorligi bo'yicha qo'shma komissiyasining 8-kengashi yakunida erishilgan Memorandumga asosan Shveysariyaning Birlashgan savdo palatasi qoshida O'zbekiston bilan hamkorlikni bo'limining rasmiy ochilishi bo'lib o'tdi. Ushbu bo'lim Shveysariyaning “Rieter” kompaniyasi tomonidan yuritiladi va Palataning Markaziy Osiyo davlatlari bilan tashkil etgan birinchi bo'limi xisoblanadi. 

Shveysariyaning Birlashgan savdo-palatasi raisi, “Buchkhard” kompaniyasi ijrochi direktori Marsel Pavlichek so'zga chikib, Palata qoshida O'zbekiston bilan xamkorlik bo'yicha bo'limning ochilishi O'zbekiston va Shveysariya ishbilarmonlari o'rtasida mustahkam va ishonchli aloqalarni o'rnatilishida katta yordam berishini ta'kidlab o'tdi. 

Tadbir davomida Investitsiyalar va tashqi savdo vazirligi tomonidan Shveysariya biznes vakillari e'tiboriga O'zbekistonning savdo-iqtisodiy va investitsion saloxiyati, mamlakatimizda olib borilayotgan xorijiy investitsiyalarni jalb qilish va investorlar faoliyatini ko'llab qo'vvatlash yo'lidagi keng isloxotlar va rejalar bo'yicha ma'lumot berildi. 

Farmatsevtika, turizm, tekstil sanoati, terini qayta ishlash va oziq-ovqat mahsulotlari ishlab chiqarish sohalaridagi istiqbolli investitsion loyixalar namoyish etildi. 

Xozirda O'zbekistonda faoliyat olib borayotgan Shveysariya ishbilarmonlar doiralari o'z chiqishlarida mamlaktimizdagi iqtisodiyotida o'zgarishlar va yaratilayotgan shart-sharoitlarni yuqori baholab, Shveysariya korxonalarini yangi investitsion loyixalarda ishtirok etishga chaqirdi. 

Ishtirokchilarni O'zbekiston xunarmandchilik mahsulotlari bilan tanishtirish va ularning Shveysariyaga eksportini qo'llab-kuvvatlash maqsadida xunarmadchilik mahsulotlari ko'rgazmasi tashkil etildi.

Tadbir davomida Vintertur shahri meri Maykl Kunsle so'zga chiqib, O'zbekiston bilan bu kabi qo'shma tadbir Vinterturda birinchi marta tashkil qilinayotgani ta'kidlab, mamlakatlar o'rtasida savdo-iqtisodiy hamkorlikni yanada rivojlantirishga tayyor ekanini aytib o'tdi. 

O'zbekiston va Shveysariya biznes vakillari o'rtasida tashkil etilgan to'g'ridan to'g'ri uchrashuvlarda O'zbekistonga shveysariyalik turistlar tashriflarnini amalga oshirish, Shveysariyaga meva va quruq meva mahsulotlari eksportini tashkil etish, tekstil korxonalarini rivojlantirishda Shveysariya uskunalaridan foydalanish, istiqbolli qo'shma investitsion loyihalarni moliyalashtirish masalalari muxokama kilindi. 

O'zbekiston Savdo sanoat palatasi va Shveysarining Qo'shma savdo palatasi o'rtasida 2019-2021 yillarda qo'shma xamkorlikni rivojlantirish bo'yicha “Yo'l xaritasi” ishlab chiqish bo'yicha kelishuvga erishildi. 

O'z SSP Axborot xizmati