“Xalqaro savdo va soliq islohotlari” mavzusiga bag'ishlangan davra suhbati.

Joriy yilning 29 iyun kuni Investitsiyalar va tashqi savdo vazirligi tomonidan “Xalqaro savdo va soliq islohotlari” mavzusiga bag'ishlangan davra suhbati tashkil etildi. Tadbirda vazirliklar, tarmoq idoralari, assotsiatsiyalar, ilmiy-tadqiqot institutlari, nodavlat tashkilotlar, tadbirkorlar, ishlab chiqarish korxonalari va savdo kompaniyalari rahbarlari, shuningdek, ommaviy axborot vositalari hamda internet-media vakillari ishtirok etdi.

Kun tartibidagi masala: xom ashyo va tayyor mahsulot importi bilan bog'liq bo'lgan tarif siyosatidagi muammolar, shuningdek, tadbirkorlik sub'ektlari foliyatida to'qnash kelishi mumkin bo'lgan muammolar bo'ldi. Import bojlarini bekor qilish tarafdorlari mazkur choralar mahalliy mahsulotlarning raqobatbardoshligini jadallashishiga ko'maklashishini ta'kidladilar. Investitsiyalar va tashqi savdo vazirligi hamda bir qator boshqa idoralar esa tarif siyosatini bosqichma-bosqich o'zgartirilishi ishlab chiqaruvchilarga o'z mahsulotini yanada yaxshilash, tarif va notarif to'siqlarni yakuniy bartaraf etish jarayonida xalqaro bozorga eng uyg'un ravishda integratsiya qilish uchun shart-sharoaitlar yaratib berishini ta'kidlab o'tdilar.

Davra suhbati yakunida ham tadbirkorlar, ham hukumat vakillari tomonidan tashqi savdo siyosatini optimallashtirish maqsadida tarif va notarif vositalarni chuqur qayta ko'rib chiqish zarurligi, bunda ichki mahsulotlarning raqobatbardoshligini oshirish uchun rag'batlantiruvchi sharoitlarni yaratishda ayrim tovarlarga tariflarning mo'tadil oshishi istiqbolini hisobga olish bo'yicha umumiy qaror qabul qilindi.

Shu bilan bir qatorda, tomonlar barcha xo'jalik yurituvchi sub'ektlarga nisbatan soliq siyosatini bir xillashtirish zarurligi to'g'risida kelishib oldilar, bu esa o'z o'rnida biznesni yuritish shartlarini uyg'unlashtirishga, qo'shilgan qiymat solig'ini hisob-kitob qilish qoidasini to'liq qo'llashga va umuman, tayyor mahsulotni ishlab chiqarish xarajatlarini kamaytirishga imkon beradi.