O’zbekiston Respublikasi Savdo-sanoat palatasi tomonidan Surxandaryo viloyatida o’quv-seminarlari tashkil etildi.

O’zbekiston Respublikasi Prezidentining Surxandaryo viloyatiga tashrifi doirasida bergan topshiriqlaridan kelib chiqb, vohada yanada qulay ishbilarmonlik muhitini shakillantirish, tadbirkorlarni tashqi iqtisodiy faoliyatga keng jalb qilish borasida O’zbekiston Respublikasi Savdo-sanoat palatasi tomonidan Surxandaryo viloyatining bir nechta tumanlarida “Tadbirkorlik faoliyatini samarali boshqarish va rivojlantirish yo’llari” mavzusida o’quv seminarlari tashkil etildi.

Seminarda tadbirkorlik faoliyatini amalga oshirishda yuzaga keladigan huquqbuzarliklar va ularni bartaraf etish masalalari ko’rib chiqildi.

Tadbirkorlik faoliyatini o’qitish respublika markazi direktori Ulug’bek Komoliddinovning  ta’kidlashicha, tadbir asosan aholini tadbirkorlik madaniyati,bilimi va ko’nikmalarini oshirishga qaratilgan bo’lib, tadbirkorlikni boshlashda e’tibor qaratiladigan “7 qadam “ va ularning nimalardan iborat ekanligiga atroflicha to’xtalib o’tildi.

O’quv-seminarlarida asosan tadbirkorlik faoliyatiga qiziqadigan ayollar va yoshlar ishtirok etdi va ularni qiziqtirgan savollarga to’laqonli tarzda javob berildi.

Shu o’rinda tadbir ishtirokchis Mavjuda Toshmurodova  tadbirkorlik faoliyati haqida kerakli ma’lumotlar olganini,marketing islohotlari  va investorlar ishonchini qanday qilib oqlash kerakligi haqida to’liq tushunchaga ega bo’lganini hamda kelajakda xususiy tadbirkorlik faoliyatini boshlash niyatida ekanligini alohida ta’kidlab o’tdi.

Ma’lumot o’rnida shuni aytish mumkunki hozirgi kunda Denov tumanida  1762 ta kichik biznes subyektlari mavjud bo’lib,Respublika Savdo-sanoat palatasi tomonidan ularga tovar eksport-import salohiyatini rivojlantirish, mahsulotlarni xorij standartlari talabi darajasida ishlab chiqarish hamda  malakalarini oshirish borasida zarur ko’maklar berib kelinmoqda.

Bu kabi tadbirlar Surxandaryo viloyatining Termiz va Angor tumanlarida ham tashkil etildi. Qayd etish lozimki ishchi guruh o’z faoliyatini davom ettirmoqda va bu kabi tadbirlar Respublika miqiyosida o’tkazilishi rejalashtirilmoqda.

SSP Axborot-xizmati