SSP Namangan viloyati hududiy boshqarmasi qo‘magida tadbirkorlarga tegishli bo‘lgan yer maydoni qaytarib berildi.

Savdo-sanoat palatasi Namangan viloyati hududiy boshqarmasi tomonidan tadbirkorlik sub'ektlarining qonuniy manfaatlari buzilishi bilan bog‘liq vaziyatlarga nisbatan tegishli choralar ko‘rilib, tadbirkorlarning huquqiy manfaatlari qayta tiklandi.

Jumladan, Savdo-sanoat palatasi a'zosi “NATURAL GAZ” MChJ hamda tadbirkorlik subyekti “Toshloq Bosh pillaxona” MChJning qonuniy huquq va manfaatlari Toshloq tuman xokimining 26.03.2019 yildagi 1627-sonli qarori bilan qonunga zid ravishda buzilgan.

Ya'ni SSP a'zosi bo‘lgan “NATURAL GAZ” MChJ xamda tadbirkor “Toshloq Bosh pillaxona” MChJlarga qarashli pillaxona bino-inshootlari va unga xizmat qiluvchi 11236,7 m2 yer maydonlari tuman hokimligi zaxira fondi hisobiga qaytarib olish, ushbu bino-inshootlar va yer maydonlari boshqa bir MChJga asossiz ravishda foydalanishga biriktirib berilgan.

 O‘zbekiston Savdo-sanoat palatasi Namangan viloyat hududiy boshqarmasi tomonidan Palata a'zosi bo‘lmish “NATURAL GAZ” MChJ va tadbirkorlik sub'ekti “Toshloq Bosh pillaxona” MChJ  manfaatida javobgar Toshloq tuman xokimining 26.03.2019 yildagi 1627-sonli qarorini noto‘g‘ri qabul qilinganligi va bekor qilinishi lozimligi to‘g‘risida Toshloq tuman Ma'muriy sudiga shikoyat arizasi taqdim etildi va to‘liq qanoatlantirildi.

 Natijada yuqorida qo‘rsatib o‘tilgan ikki nafar tadbirkorlik subyektlariga tegishli bo‘lgan 11236,7 m2 yer maydoni qaytarib berildi xamda qonuniy manfaatlari  qayta tiklandi.

Agarda sizning ham tadbirkolik faoliyatingizda shu kabi muammolar yuzaga kelsa o‘z hududingizdagi Savdo-sanoat paltasi yoki Axborot xizmatining @SSP_press telegram akkauntiga murojaat qilishingiz mumkin.