O'zbekiston Savdo-sanoat palatasi va TOВВ universiteti o'rtasida tadbirkorlarni biznes asoslariga o'qitish to'g'risida kelishuvga erishildi.

Bugun, 19-fevral kuni O‘zbekiston Savdo-sanoat palatasi raisi Adham Ikramov Turkiyaga qilgan safari doirasida Turkiyaning iqtisodiyot va texnologiyalar universitetining (TOBB) prorektori Yusuf Sinaray bilan uchrashdi va tomonlar tadbirkorlikka o‘qitish sohasida istiqbolli hamkorlik masalalarini muhokama qildilar.

Uchrashuv davomida,  O‘zbekiston Respublikasi Savdo-sanoat palatasi raisi Adham Ikramov,  SSP va Turkiya tashkilotlari,  xususan Turkiya Savdo va sanoat birjalari ittifoqi (TOVV),  Mustaqil sanoatchilar va ishbilarmonlar uyushmasi (MUSIAD) va Turkiya hamkorlik va muvofiqlashtirish agentligi (TIKA), Tashqi iqtisodiy aloqalar bo‘yicha kengash (DEIK) va boshqa tashkilotlar o‘rtasidagi hamkorlikning boy tajribasi haqida ma'lumot berdi. 

O‘z navbatida prorektor Yusuf Sinarai Savdo-sanoat palatasi va TOVV o‘rtasidagi hamkorlikni kengaytirishga,  shuningdek ushbu tashrifning muvaffaqiyatli natijalariga har tomonlama yordam berishga tayyorligini bildirdi. 

Muzokaralar yakunida Savdo-sanoat palatasi va TOBB universiteti o‘rtasida biznes vakkilarini tadbirkorlik asoslariga o‘qitish bo‘yicha istiqboldagi rejalarni amalga oshirishga kelishib olishdi. 

Shuningdek, SSP raisi boshchiligidagi delegasiya uchun universitetning faoliyati va unda yaratilgan sharoitlar bilan tanishish maqsadida ekskursiya tashkil etildi. 

Eslatib o‘tamiz,  19-fevral kuni O‘zbekiston Respublikasi Prezidenti Shavkat Mirziyoev Anqara shahriga tashrif buyurdi. Bugun ikki davlatlar rahbarlari boshchiligida Oliy darajadagi strategik hamkorlik kengashining birinchi yig‘ilishi bo‘lib o‘tadi. Muzokaralarda ko‘p qirrali O‘zbekiston-Turkiya munosabatlari, avvalo siyosiy,  savdo-iqtisodiy,  investisiyaviy,  moliyaviy,  transport-kommunikasiya va boshqa sohalardagi hamkorlikni kengaytirish masalalari muhokama qilinadi.

SSP Axborot xizmati